મોરબીની GIDCમાં દૂધ ગરમ કરવાના બોઇલરમાં બ્લાસ્ટ, એક શ્રમિક દાઝ્યો, કોઈ જાનહાનિ નહીં

Boiler Blast In Morbi GIDC : મોરબીના સનાળા રોડ પર આવેલી GIDCમાં ડેરીમાં બ્લાસ્ટની ઘટના બની હતી. જેમાં ભોલે બાબા ડેરીમાં દૂધ ગરમ કરવાના બોઇલરમાં બ્લાસ્ટ થતાં અફરા-તફરીનો માહોલ સર્જાયો હતો. આ ઘટનામાં એક શ્રમિક દાઝ્યો હતો. જોકે, કોઈ મોટી જાનહાનિ થઈ ન હતી.

GIDCમાં દૂધ ગરમ કરવાના બોઇલરમાં બ્લાસ્ટ

મળતી માહિતી મુજબ, મોરબીની GIDCમાં ડેરીમાં બોઇલર બ્લાસ્ટ થતાં ડેરીનો શેડ તૂટી ગયો હતો અને બોઇલરના ટુકડા પાસેના કારખાનામાં ફેલાયા હતા. બ્લાસ્ટની ઘટનાને પગલે નજીકમાં કામ કરતાં શ્રમિકો દોડી આવ્યા હતા. 

આ પણ વાંચો: સવારે ઠંડી અને બપોરે ગરમી...રાજ્યભરમાં બેવડી ઋતુ યથાવત્ રહેશે, હવામાન વિભાગની આગાહી

આ ઘટનામાં ઈજાગ્રસ્ત થયેલા એક શ્રમિકને તાત્કાલિક સારવાર માટે હોસ્પિટલ ખસેડવામાં આવ્યો હતો. બોઇલર બ્લાસ્ટ થવાથી આગ લાગી હતી. જોકે, અન્ય શ્રમિકોએ તાત્કાલિક પાણીનો મારો કરીને આગને કાબૂમાં લીધી હતી. 

પ્રાથમિક માહિતી મુજબ, બોઇલરમાં ઓવરહીટિંગના કારણે આ બ્લાસ્ટ થયો હોવાની શક્યતા છે.