અગાઉ ૧૩ દુકાનોને તાળાં મારવામાં આવ્યા બાદ
ફુડકોર્ટમાં તગડી કમાણી છતાં વેપારીઓ ભાડાની નજીવી રકમ પણ લાંબા અરસાથી ભરતા ન હોવાથી કાર્યવાહી
ગાંધીનગર : શહેરમાં ઘ ૫ સર્કલ પાસેની વિખ્યાત ખાણી પીણી બજાર એટલે, કે ફુડકોર્ટમાં તગડી કમાણી છતાં વેપારીઓ ભાડાની નજીવી રકમ પણ લાંબા અરસાથી ભરતા નહીં હોવાથી તંત્ર દ્વારા આખરે કડક કાર્યવાહી શરૃ કરાઇ છે. તેના અંતર્ગત થોડા દિવસ પહેલા ૧૩ દુકાનોને તાળાં મારી દેવાયા હતાં. હવે વધુ બે દુકાનને સીલ કરવામાં આવી છે, જેના વેપારીઓએ આપેલા ભાડાની રકમના ચેક બાઉન્સ થયા હતાં.
પાટનગર યોજના વિભાગના અધિકારી સુત્રો દ્વારા જણાવવામાં
આવ્યા પ્રમાણે ફુડકોર્ટમાં ખાણી પીણીના વ્યવસાય માટે દુકાન મેળવનારા વેપારીઓ
પૈકીના કેટલાક વેપારીઓ દ્વારા ઘણા લાંબા સમયથી ભાડાની રકમ ભરપાઇ કરવામાં આવી રહી ન
હતી. પરિણામે સરકારી લેણાનો આંકડો રૃપિયા ૧ કરોડ નજીક પહોંચવા આવ્યો હતો. સરકારી
લેણું વસુલવા માટે એકથી વધુ વખત નોટિસ આપવામાં આવી હતી અને આખરી નોટિસમાં દુકાનને
સીલ મારવા અને ફાળવણી રદ કરવા સુધીના પગલા લેવામાં આવશે તેવી સ્પષ્ટ ચેતવણી
આપવામાં આવ્યા બાદ પણ બાકીદારો ગાંઠી રહ્યા ન હતાં. જેના પગલે એક સપ્તાહ પહેલા એક
સાથે ૧૩ દુકાનોને સીલ મારી દેવામાં આવ્યા હતાં. આ દરમિયાન કેટલાક બાકીદાર વેપારીઓ
દ્વારા રોકડેથી અને કેટલાક દ્વારા ભાડાની રકમના ચેક આપવામાં આવ્યા હતાં. દરમિયાન
બે વેપારી તરફથી આપવામાં આવેલા ચેક તેમના ખાતામાં પુરતી રકમ નહીં હોવાના શેરા સાથે
પરત ફર્યા હતાં. જેના પગલે પાટનગર યોજના વિભાગ દ્વારા આ બન્ને વેપારીને ફાળવવામાં
આવેલી દુકાનોને તાળા મારીને સીલ કરી દેવામાં આવી હતી. ફુડકોર્ટ વર્તુળમાં આ કિસ્સો
ચર્ચાનો વિષય બન્યો હતો.
