AMC Budget: અમદાવાદ મ્યુનિસિપલ કોર્પોરેશન (AMC) દ્વારા વર્ષ 2026-27 માટેનું સુધારેલું બજેટ આજે સ્ટેન્ડિંગ કમિટીના ચેરમેન દેવાંગ દાણી દ્વારા રજૂ કરવામાં આવ્યું છે. મ્યુનિસિપલ કમિશ્નર દ્વારા રજૂ કરાયેલા 17,018 કરોડ રૂપિયાના ડ્રાફ્ટ બજેટમાં કમિટીએ રૂ. 1,500 કરોડનો માતબર વધારો કરી, કુલ રૂ. 18,518 કરોડનું બજેટ અમદાવાદીઓની સુખાકારી માટે જાહેર કર્યું છે.
આ વખતનું બજેટ 'સિટીઝન સેન્ટ્રિક' એટલે કે નાગરિકલક્ષી બનાવવામાં આવ્યું છે, જેમાં હજારો અમદાવાદીઓના મંતવ્યોને ધ્યાને લેવાયા હતા. જેમાં બેઝિક સર્વિસ, સસ્ટેનિબિલિટી, હેરિટેજ, ઇઝ ઑફ મુવમેન્ટ, ઇન્ક્લુઝિવ સિટી, સિટી બ્યુટીફિકેશન, ગવર્નન્સ સિટીઝન સેન્ટ્રિક ફેસિલિટી સમાવેશ થાય છે. આ ઉપરાંત શહેરમાં ટ્રાફિક સમસ્યાના નિવારણ માટે અનેક મહત્ત્વપૂર્ણ પ્રોજેક્ટોની જાહેરાત કરવામાં આવી છે.
