Baroda Dairy Election : બરોડા ડેરીની ચૂંટણીમાં ફોર્મ ચકાસણીની પક્રિયા પૂર્ણ થતા કુલ છ બેઠક બિનહરીફ થઈ છે. જ્યારે સાત ઉપર ચૂંટણી લડાશે. પરંતુ ચૂંટણી ચિત્ર તા.7મીએ સ્પષ્ટ થશે.
બરોડા ડેરીની તા.18 માર્ચના રોજ યોજાના ચૂંટણી માટે ફોર્મ ચકાસણી બાદ આજે માન્ય ઉમેદવારી પત્રો જાહેર કરવામાં આવ્યા હતા. જેમાં અગાઉ નસવાડી બેઠક ઝોન ઉપર એક જ ફોર્મ ભરાયું હોવાથી ઉપપ્રમુખ જી.બી સોલંકી બિનહરીફ જાહેર થઈ ચૂક્યા હતા.
જ્યારે આજે ડેરીના પ્રમુખ દીનુ મામા ફરી બિનહરી જાહેર થયા છે, આ ઉપરાંત સંખેડા બેઠક ઉપર વર્તમાન ડિરેક્ટર ક્રિપાલસિંહ મહારાઉલ, બોડેલી બેઠક ઉપર રમેશભાઈ બારીયા, વાઘોડિયા બેઠક ઉપર રાજુભાઈ અલવા અને છોટાઉદેપુર બેઠક ઉપર સંગ્રામસિંહ રાઠવાની સામેના ફોર્મ રદ થતાં તમામ ડિરેક્ટર્સ રીપીટ થયા છે.
