Get The App

પેટ્રોલ પંપ પર મારામારી કરનાર આરોપી ઝડપાયા

બોટલમાં પેટ્રોલ આપવાની ના પાડનાર પંપના કર્મચારી પર હુમલો કર્યો હતો

Updated: Apr 3rd, 2026

GS TEAM

Google News
Google News
પેટ્રોલ પંપ પર મારામારી કરનાર  આરોપી ઝડપાયા 1 - image

વડોદરા,અજબડી મિલ પાસેના પેટ્રોલ પંપ પર ઝઘડો કરનાર ૪ આરોપીને સિટિ પોલીસે ઝડપી પાડયો છે.

ગઇકાલે મોડીરાત્રે ઠેકરનાથ મહાદેવ મંદિર પાસેના પેટ્રોલ પંપ પર એક મોપેડ ચાલક આવ્યો હતો. તેણે બોટલમાં પેટ્રોલ આપવાનું કહેતા કર્મચારીએ ના પાડી હતી. ત્યારબાદ મોપેડ ચાલકે ટાંકીમાં પેટ્રોલ પુરાવ્યું હતું અને કર્મચારીને કહ્યું કે, હવે મને ટાંકીમાંથી  પેટ્રોલ કાઢી આપી બોટલમાં ભરી આપ. ઝઘડો થતા તેેણે ફોન કરીને  પોતાના અન્ય મિત્રોને બોલાવ્યા હતા. તેઓએ  પેટ્રોલ પંપના કર્મચારી પર હુમલો કર્યો હતો. આ ગુનામાં સિટિ પોલીસે આરોપી (૧) તાસીનખાન યુનુસખાન પઠાણ (રહે. યાકુતપુરા) (૨) તોફીક મહંંમદઇકબાલ શેખ (રહે. તાહા એપાર્ટમેન્ટ, યાકુતપુરા) (૩) મોહંમદ નઇમ મોહંમદ સાકીરભાઇ શેખ (રહે. મીનારા કોમ્પલેક્સ,યાકુતપુરા) તથા (૪) એજાજ મુઝફ્ફર શેખ (રહે. મનસુરી કબ્રસ્તાન હાથીખાના પાસે)  ને ઝડપી પાડયા છે.