પંચમહાલ: શહેરા માર્કેટ યાર્ડમાં ઘઉંનું ભૂસું ભરેલી ટ્રક ગેટ સાથે અથડાતા સર્જાયો અકસ્માત, ડ્રાઈવરનો આબાદ બચાવ
Summarized by AI; it may make mistakes. Check important info
Summarized by AI; it may make mistakes. Check important info
Shehra Market Yard Truck Accident: પંચમહાલ જિલ્લાના શહેરા માર્કેટ યાર્ડમાં પંજાબથી ઘઉંનું ભૂસું ભરીને આવેલી એક ટ્રક યાર્ડમાં પ્રવેશ કરતી વખતે મુખ્ય ગેટ સાથે અથડાઈ હતી, જેના કારણે આખેઆખો ગેટ ટ્રકની કેબિન પર તૂટી પડ્યો હતો. આ દુર્ઘટનામાં ગેટને મોટું નુકસાન પહોંચ્યું છે, જોકે સદનસીબે જાનહાનિ ટળી છે.
કેવી રીતે સર્જાયો અકસ્માત?
મળતી માહિતી અનુસાર, પંજાબથી ઘઉંનું ભૂસું ભરીને એક ટ્રક શહેરા માર્કેટ યાર્ડમાં માલ ઠાલવવા માટે આવી પહોંચી હતી. જ્યારે ટ્રક માર્કેટ યાર્ડના મુખ્ય ગેટની અંદર પ્રવેશ કરી રહી હતી, ત્યારે ટ્રકની ઊંચાઈ ગેટની લિમિટ કરતા વધુ હોવાથી ટ્રકનો ઉપરનો ભાગ ગેટના ઉપરના લોખંડી બીમ સાથે જોરદાર રીતે અથડાયો હતો.
અથડામણ એટલી જોરદાર હતી કે મજબૂત ગેટ પાયામાંથી હલી ગયો હતો અને જોતજોતામાં આખેઆખો ગેટ ટ્રકની કેબિન ઉપર ધરાશાયી થયો હતો. ગેટ પડતાની સાથે જ મોટા અવાજને કારણે માર્કેટ યાર્ડમાં હાજર વેપારીઓ અને શ્રમિકોમાં દોડધામ મચી ગઈ હતી.
ગેટ ટ્રકની કેબિનના ભાગે પડ્યો હોવા છતાં, ટ્રક ચાલકનો આબાદ બચાવ થયો હતો. આ અકસ્માતમાં માર્કેટ યાર્ડના ગેટને વ્યાપક નુકસાન પહોંચ્યું છે અને ગેટ સંપૂર્ણપણે તૂટી ગયો છે. ઘટનાને પગલે થોડા સમય માટે માર્કેટ યાર્ડમાં વાહનોની અવરજવર ખોરવાઈ હતી.
