બોટાદમાંથી વિદેશી દારૂ ભરેલી કાર સાથે એક ઈસમ ઝબ્બે

- છોટા ઉદયપુરના શખ્સે દારૂનો જથ્થો આપ્યો હતો

- બોટાદ ટાઉન પોલીસે વિદેશી દારૂ, કાર મળી કુલ રૂ. 3.90 લાખનો મુદ્દામાલ કબજે લીધો

બોટાદ પોલીસ પેટ્રોલિંગ કરી રહી હતી તે દરમિયાન બાતમી મળી હતી કે, નંબર જીજે-૦૬-એલકે-૮૬૮૮માં વિદેશી દારૂનો જથ્થો ભરીને રાણપુરથી બોટાદ તરફ આવનાર છે જે બાતમીના આધારે બોટાદ પોલીસે મીલેટરી ચોકડી પાસે વોચ ગોઠવી ત્યારે સામેથી આવી રહેલા કારને અટકાવી કારમાં સવાર ભરત ઉર્ફે ભૂરો ધુળાભાઈ પાડલીયાને કારમાંથી નીચે ઉતારી કારની અંદર તલાસી લેતા વિદેશી દારૂની બોટલ ૫૮૫ રૂ.૯૦,૭૯૦ની મળી આવતા પોલીસે ભરત ઉર્ફે ભૂરોને વિદેશી દારૂ, કાર મળી કુલ રૂ.૩,૯૦,૭૯૦ સાથે ધરપકડ કરી પૂછપરછ કરતા હરેશ કરસનભાઈ ભીલ (રહે.નસવાડી છોટા ઉદેપુર) પાસેથી દારૂનો જથ્થો લાવ્યો હોવાની કબુલાત કરતા પોલીસે બંને ઈસમ વિરુદ્ધ બોટાદ ટાઉન પોલીસ મથકમાં ફરિયાદ નોંધ વધુ તપાસ હાથ ધરી છે.