જ્યારે એક કેદીએ ફાંસીની સજા પહેલા મોહમ્મદ રફીનું આ ગીત સાંભળવાની અંતિમ ઇચ્છા જણાવી
Summarized by AI; it may make mistakes. Check important info
Summarized by AI; it may make mistakes. Check important info
જ્યારે એક કેદીએ ફાંસીની સજા પહેલા મોહમ્મદ રફીનું આ ગીત સાંભળવાની અંતિમ ઇચ્છા જણાવી
-
Prisoner Asked To Listen Mohammed Rafi Song: મોહમ્મદ રફીનો અવાજ એવો હતો કે તેઓ પોતાના ગીતોથી દરેક વ્યક્તિના દિલમાં સ્થાન બનાવી લેતા હતા. રફી સાહેબના અવાજના લાખો દિવાના હતા. હવે અમે તમને તેમના અવાજને લઈને એક એવો કિસ્સો જણાવીશું કે જે જાણીને તમે પણ હેરાન રહી જશો. આ કિસ્સો એક એવા કેદીનો છે જેણે ફાંસીની સજા પહેલા મોહમ્મદ રફીનું ગીત સાંભળવાની છેલ્લી ઇચ્છા વ્યક્ત કરી હતી.
કેદીએ ફાંસી પહેલા પોતાની છેલ્લી ઇચ્છા વ્યક્ત કરી
મ્યૂઝિક કમ્પોઝર નૌશાદ માટે મોહમ્મદ રફીએ ઘણા ગીતો ગાયા હતા. હવે નૌશાદે જ એક એવો કિસ્સો જણાવ્યો હતો કે, એક કેદીને ફાંસીની સજા સંભળાવવામાં આવી હતી. જે દિવસે તેને ફાંસી થવાની હતી, ત્યારે તેને તેની છેલ્લી ઇચ્છા પૂછવામાં આવી. બધાના મનમાં એવું હતું કે, તે કોઈ મોટી ઇચ્છા જણાવશે, કોઈ સાથે મુલાકાત કરવી અથવા તો કંઈક જોઈતુ હશે. પરંતુ તે કેદીએ કહ્યું કે, મારે મૃત્યુ પહેલા એક ગીત સાંભળવું છે.
એ કયું ગીત હતું?
કેદીએ કહ્યું કે, મારે મોહમ્મદ રફીનું ગીત 'ઓ દુનિયા કે રખવાલે' સાંભળવું છે. તેની આ ઇચ્છા સાંભળીને બધા હેરાન રહી ગયા. ત્યારબાદ તેની અંતિમ ઇચ્છા પૂરી કરવા માટે એક ટેપ રેકોર્ડર લાવવામાં આવે છે અને પછી એ ગીત વગાડવામાં આવે છે.
આ ગીત ગાતી વખતે રફીના ગળામાંથી લોહી આવી ગયુ હતું
તમને જણાવી દઈએ કે આ ગીત માટે મોહમ્મદ રફીએ 15 દિવસ સુધી પ્રેક્ટિસ કરી હતી. આટલું જ નહીં આ ગીત ગાતી વખતે રફીએ એટલું જોર લગાવ્યું હતું કે તેમના ગળામાંથી લોહી આવી ગયું હતું. આ પછી બધાએ વિચાર્યું કે કદાચ રફી ફરી ક્યારેય ગીત નહીં ગાશે. પરંતુ રફી સાહેબે વાપસી કરી અને આ પછી ઘણા વધુ હિટ ગીતો ગાયા.
રફીનું પ્રથમ ગીત
મોહમ્મદ રફીનું પ્લેબેક સિંગર તરીકેનું પહેલું ગીત સોનિયે ની હીરીયે હતું, જે 1944માં આવ્યું હતું. રફી સાહેબે આ ગીત ઝીનત બેગમ સાથે ગુલ બલોચ ફિલ્મ માટે ગાયું હતું.
રફીના એવોર્ડ્સ
મોહમ્મદ રફીને તેમના જાદુઈ અવાજ માટે 6 ફિલ્મફેર અને 1 નેશનલ એવોર્ડ મળ્યો હતો. આ ઉપરાંત મોહમ્મદ રફીને પદ્મશ્રી એવોર્ડથી પણ સન્માનિત કરવામાં આવ્યા હતા.
તમને જણાવી દઈએ કે જે દિવસે મોહમ્મદ રફીનું નિધન થયું તે દિવસે ભારે વરસાદ પડી રહ્યો હતો, પરંતુ તેમ છતાં 10 હજાર લોકો તેમને અંતિમ વિદાય આપવા આવ્યા હતા. આટલી ભીડ જોઈને બધા દંગ રહી ગયા હતા. લોકોના દિલમાં કોઈના માટે આટલો પ્રેમ જોઈને બધા ખૂબ જ ઈમોશનલ થઈ ગયા હતા.
રફીનું છેલ્લુ ગીત
મોહમ્મદ રફીનું છેલ્લું ગીત 'શામ ફિર ક્યૂં ઉદાસ હૈ' હતું. આ ગીત 'આસ પાસ' ફિલ્મનું હતું જેમાં મ્યૂઝિક લક્ષ્મીકાંત પ્યારેલાલે આપ્યું હતું. રિપોર્ટ્સ પ્રમાણે આ ગીત રેકોર્ડ કર્યાના એક દિવસ પછી સિંગરનું નિધન થઈ ગયુ હતું.
