સાઇ માંજરેકર અને રાઘવ જુયાલ ઇક્કાઇ ફિલ્મમાં જોડી જમાવશે

- વિકાસ બહલ નિર્મિત હોરર ફિલ્મ આવતાં વર્ષે આવશે     

- ઇકાઇ સાંઇ માંજરેકર માટે સૌથી પડકારજનક ફિલ્મ   

મુંબઈ : હાલ ઇકાઇ નામની ફિલ્મ બની રહી છે જેને આવતા વર્ષની શરૂઆતમાં રજૂ કરવામાં આવશે. આ ફિલ્મમાં સંજય માંજરેકરની પુત્રી સાંઇ માંજરેકર અને રાઘવ જુયાલે જોડી જમાવી છે. મુખ્ય ભૂમિકા ભજવનારા માટે આ ફિલ્મ માનસિક અને શારીરિક રીતે થકવનારી પુરવાર થઇ રહી છે. ખાસ કરીને સાંઇ માંજરેકરને તેની ભૂમિકા માટે ખૂબ મહેનત કરવી પડી રહી છે. 

વિકાસ બહલ દ્વારા નિર્મિત આ ફિલ્મનુ નિર્દેશન રાજ સિંહ ચૌધરી કરી રહ્યા છે. પોતાની ભૂમિકા વિશે સાંઇ માંજરેકરે જણાવ્યું હતું કે ઇકાઇ મારા માટે આજ સુધીની સૌથી પડકારજનક ફિલ્મ બની રહી છે.

 મારે તેમાં ઇમોશનલી અને સાયકોલોજિકલી થકવી નાંખે તેટલું કામ કરવુંં પડે છે. અમુક સીનમાં મારે મારી જાતને પુશ કરી કરવા પડયા છે. આ પ્રક્રિયા સરળ નથી પણ મને આ કામ કરવાથી એક્ટિંગની અજાણી બાજુઓ જાણવા મળી રહી છે. મને લાગે છે દર્શકોને મારી એક તદ્દન અલગ જ બાજુ આ ફિલ્મમાં જોવા મળશે. જેનો મને ભારે ઉત્સાહ છે.