ગોલમાલ ફાઇવમાં પ્રિયામણી નેગેટિવ ભૂમિકામાં જોવા મળશે

જોકે, ફિલ્મની મેઈન હિરોઈનનું રહસ્ય અકબંધ
ચેન્નઈ એકસપ્રેસમાં ડાન્સ સોંગ પછી રોહિત શેટ્ટી સાથે બીજું કોલબરેશન
મુંબઈ : રોહિત શેટ્ટીની 'ગોલમાલ' ફ્રેન્ચાઇઝીના પાંચમાં ભાગમાં અજય દેવગણ, અક્ષય કુમાર, શર્મન જોશી બાદ પ્રિયામણી પણ જોડાઇ છે. 'ગોલમાલ' ફાઇવમાં પ્રિયામણી નેગેટિવ ભૂમિકામાં જોવા મળશે. જો કે, ફિલ્મની મુખ્ય હિરોઇન કોણ હશે તે રહસ્ય હજી અકબંધ છે.
પ્રિયામણીને રોહિત શેટ્ટીની ફિલ્મમાં મહત્વની ભૂમિકા કરવાનું કામ પહેલીવાર મળ્યું છે. અગાઉ 'ચેન્નાઇ એક્સપ્રેસ'માં પ્રિયામણીએ વનટુથ્રીફોર ગેટ ઓન ધ ડાન્સ ફલોર ગીતમાં સ્પેશ્યલ અપિયરન્સમાં દેખાઇ હતી.
પ્રિયામણી ટૂંક સમયમાં 'ધ ફેમિલિ મેન'ની સિઝન થ્રીમાં મનોજ બાજપેયી સાથે જોવા મળશે. પ્રિયામણીે 'જવાન', 'આર્ટિકલ ૩૭૦' અને 'ઓફિસર ઓન ડયૂટી' જેવી હિન્દી ફિલ્મોમાં કામ કરી ચૂકી છે. ૨૦૦૭માં તમિલ રોમેન્ટિક ડ્રામા 'પારૂથીવીરાન'માં બળાત્કારનો ભોગ બનેલી યુવતીની ભૂમિકા કરવા માટે પ્રિયામણીને બેસ્ટ એકટ્રેસનો નેશનલ ફિલ્મ એવોર્ડ મળ્યો હતો.