લોકશાહીમાં અસહમતિને સાંભળવી જરૂરી : દિયા

દિયા મિર્ઝાએ વિદ્યાર્થીઓના સમર્થનમાં લખ્યું કે લોકશાહીની સાચી તાકાત અસહમતિને દબાવવામાં નહીં પરંતુ તેને સાંભળવામાં છે. તેણે વિદ્યાર્થીઓ સામે થયેલી કાર્યવાહી અંગે ચિંતા વ્યક્ત કરતાં કહ્યું કે યુવાનોના પ્રશ્નોનો જવાબ બળપ્રયોગ નહીં, પરંતુ સંવાદ હોવો જોઈએ. દિયાએ લોકોને શાંતિ જાળવી રાખવાની અને વિદ્યાર્થીઓની વાજબી માંગણીઓ પર ગંભીરતાથી વિચારવાની અપીલ પણ કરી. તેની પોસ્ટને અનેક સામાજિક કાર્યકરો અને ફિલ્મી હસ્તીઓએ પણ સમર્થન આપ્યું.