- મૂળ વાર્તાને નવાં સ્વરૂપમાં ઢાળવામાં આવશે
- મૂળ ફિલ્મ 1970ના દાયકામાં મિથુન, વિનોદ ખન્ના, બિંદિયા ગોસ્વામી સાથે બનવાની હતી
મુંબઈ : પીઢ ફિલ્મ સર્જક જે પી દત્તાની બંધ પડેલી ફિલ્મ 'સરહદ' હવે તેની દીકરી નિધિ દત્તા રિવાઈવ કરશે તેવી ચર્ચા છે.
જે પી દત્તાએ ૧૯૭૦ના દાયકામાં આ ફિલ્મ જાહેર કરી હતી. ત્યારે તેમાં મિથુન ચક્રવર્તી, વિનોદ ખન્ના અને બિંદિયા ગોસ્વામી કામ કરવાનાં હતાં. જોકે, કોઈ કારણોસર આ પ્રોજેક્ટ આગળ વધ્યો ન હતો.
રસપ્રદ વાત એ છે કે હિન્દી શબ્દ સરહદ માટેના જ અંગ્રેજી શબ્દ 'બોર્ડર' પરથી બાદમાં જે પી દત્તાએ ફિલ્મ બનાવી હતી જે બોલિવુડની ઓલટાઈમ સુપરહિટ ફિલ્મોમાંની એક બની હતી. હજુ તાજેતરમાં નિધિ દત્તાએ જ 'બોર્ડર ટુ' બનાવી હતી.
બોલિવુડ વર્તુળોમાં ચર્ચા છે કે નિધિ મૂળ 'સરહદ' ફિલ્મની વાર્તાને નવાં રુપમાં ઢાળી ફરી શરુ કરવાની છે. આ માટે તે કાસ્ટ અંગે પણ ચર્ચા કરી રહી છે.
