હિટ ફિલ્મ બાદ એક્ટરનું ભાગ્ય ચમક્યું, જોન અબ્રાહમ સાથે મળી મોટી ફિલ્મ, જુઓ શું કહ્યું

Harshvardhan Rane In Force Franchise: એક્ટર હર્ષવર્ધન રાણે હાલમાં પોતાની ફિલ્મ 'એક દીવાને કી દીવાનિયત'ના કારણે ચર્ચામાં છે. તેની ફિલ્મે વર્લ્ડ વાઈડ 100 કરોડનો આંકડો પાર કરી લીધો છે. ફિલ્મની સક્સેસથી એક્ટર ખૂબ જ ખુશ છે. હવે તે પોતાની સફળતાને એક ડગલું આગળ લઈ જશે. તે ટૂંક સમયમાં જ જોન અબ્રાહમની ફિલ્મમાં દેખાશે.

હર્ષવર્ધને સાઈન કર્યો નવો પ્રોજેક્ટ

હર્ષવર્ધન રાણે છેલ્લા 15 વર્ષથી ફિલ્મ ઈન્ડસ્ટ્રીમાં છે. સાઉથમાં તેણે ઘણી ફિલ્મો કરી છે. ત્યારબાદ તે બોલિવૂડમાં 'સનમ તેરી કસમ' લઈને આવ્યો, જેને રિલીઝ વખતે દર્શકોનો પ્રેમ નહોતો મળ્યો. પરંતુ રી-રિલીઝ વખતે આ ફિલ્મે ધૂમ મચાવી દીધી હતી. હવે હાલમાં જ તેની ફિલ્મ 'એક દીવાને કી દીવાનિયત' આવી જેણે ચાહકોને પોતાના દિવાના બનાવી દીધા. 

હવે, હર્ષવર્ધન રાણેએ કન્ફર્મ કર્યું છે કે તે જોન અબ્રાહમની 'ફોર્સ' ફ્રેન્ચાઈઝીનો હિસ્સો બની ગયો છે. એક્ટરે પોતાના ઈન્સ્ટાગ્રામ પર લખ્યું કે, મને જોન અબ્રાહમે 'ફોર્સ' ફિલ્મ માટે સાઈન કર્યો છે. તેની ફિલ્મ ફ્રેન્ચાઈઝીને હવે હર્ષવર્ધન આગળ લઈ જશે. 

આ પણ વાંચો: 52 વર્ષની વયે મહિમા ચૌધરીએ કર્યા બીજા લગ્ન? વેડિંગ વીડિયો વાઈરલ, અભિનેત્રીએ આપ્યો જવાબ

ઈન્સ્ટાગ્રામ પર સ્ટોરી શેર કરતા હર્ષવર્ધને લખ્યું કે, આ સમયે હું માત્ર જોન સર નામના એ ફરિશ્તાનો આભાર માનું છું, જ્યારે હું ઉપર જોઈને એ તમામનો આભાર માની રહ્યો છું જે ઉપરથી મારા માટે આ બધુ કરી રહ્યા છે. માર્ચ 2026માં શૂટિંગ શરૂ થવાની આતુરતાથી રાહ જોઈ રહ્યો છું. બાકી શૂટિંગ શરૂ થવા સુધી વધુ કોઈ જાણકારી નથી. 

જોન અબ્રાહમની 'ફોર્સ' સાથે જોડાયો હર્ષવર્ધન

જોન અબ્રાહમની ફિલ્મ 'ફોર્સ'ના આ પહેલા બે પાર્ટ્સ વર્ષ 2011 અને 2016માં રિલીઝ થયા હતા. તેની આ ફિલ્મ બોક્સ ઓફિસ પર સફળ રહી હતી, જેમાં જોન લીડ રોલમાં નજર આવ્યો હતો. પરંતુ હવે એવા અહેવાલ સામે આવી રહ્યા છે કે, તેના ત્રીજા પાર્ટને હર્ષવર્ધન સંભાળશે, બીજી તરફ જોન એક મેન્ટોરની ભૂમિકા ભજવશે. 

હર્ષવર્ધનના આગામી પ્રોજેક્ટ્સની વાત કરીએ તો 'એક દીવાને કી દીવાનિયત' બાદ તે એક્ટ્રેસ સાદિયા ખાતીબ સાથે 'સિલા'માં આવશે, જે વધુ એક હાર્ટબ્રેકિંગ લવ-સ્ટોરી હશે. તેને  સરબજીત, મેરી કોમ જેવી ફિલ્મો બનાવનાર ઓમંગ કુમાર ડાયરેક્ટ કરશે. આ ફિલ્મ પણ આવતા વર્ષે રિલીઝ થશે.