રણવીર સિંહની ફિલ્મ 'ધુરંધર 2' નો બોક્સ ઓફિસ પર ધમાકો, 10માં દિવસે 750 કરોડનો આંકડો પાર

Dhurandhar 2 Box Office: રણવીર સિંહ સ્ટારર ફિલ્મ 'ધુરંધર 2' ભારતીય બોક્સ ઓફિસ પર દરરોજ નવા રેકોર્ડ સ્થાપિત કરી રહી છે. ફિલ્મની કમાણી જે ઝડપે વધી રહી છે તે જોતા લાગે છે કે તે ટૂંક સમયમાં જ બોલિવૂડની સૌથી વધુ કમાણી કરનારી ફિલ્મોની યાદીમાં ટોચ પર પહોંચી જશે.

10મા દિવસનું કલેક્શન (અંદાજિત):

રિલીઝના 10મા દિવસે એટલે કે બીજા શનિવારે પણ ફિલ્મની કમાણીમાં મોટો ઉછાળો જોવા મળ્યો છે. લેટેસ્ટ રિપોર્ટ્સ અનુસાર, 10મા દિવસે સાંજે 5 વાગ્યા સુધીમાં ફિલ્મે અંદાજે 34.69 કરોડ રૂપિયાની કમાણી કરી લીધી છે, જેની સાથે ભારતમાં ફિલ્મનું કુલ નેટ કલેક્શન 750.61 કરોડ રૂપિયા સુધી પહોંચી ગયું છે.

9 દિવસની કમાણી

પહેલા અઠવાડિયે: 624.47 કરોડ રૂપિયા
8મો દિવસ: 49.79 કરોડ રૂપિયા
9મો દિવસ: 41.75 કરોડ રૂપિયા
9 દિવસનું કુલ કલેક્શન (ભારત - નેટ): 715.92 કરોડ રૂપિયા
વર્લ્ડવાઈડ કલેક્શન: ફિલ્મે વિશ્વભરમાં 1141.22 કરોડથી વધુની કમાણી કરીને ધૂમ મચાવી દીધી છે.

શનિવાર હોવાને કારણે થિયેટરોમાં પ્રેક્ષકોની ભીડ ઉમટી પડી હતી. 10મા દિવસે બપોર સુધીમાં ઓક્યુપન્સી 44.1% નોંધાઈ હતી, જે સાંજ અને રાતના શોમાં હજુ વધવાની શક્યતા છે.