નોમેડિક એલિફન્ટ 2026: પીથોરાગઢમાં ભારત-મંગોલિયાની 18મી સંયુક્ત સૈન્ય કવાયત શરૂ

ભારત અને મંગોલિયા વચ્ચેની સંયુક્ત સૈન્ય કવાયત 'નોમેડિક એલિફન્ટ' (NOMADIC ELEPHANT)ની 18મી આવૃત્તિ ઉત્તરાખંડના પીથોરાગઢ ખાતે આવેલા ફોરેન ટ્રેનિંગ નોડ પર શરૂ થઈ છે. આ કવાયત 3  ઓક્ટોબર સુધી ચાલશે. આ એક વાર્ષિક પ્લાટૂન-સ્તરની કવાયત છે જે ભારત અને મંગોલિયામાં વારાફરતી યોજાય છે. આ કવાયતની 17મી આવૃત્તિ ગયા વર્ષે મે-જૂન દરમિયાન ઉલાનબાતાર (મંગોલિયા) ખાતે યોજાઈ હતી.

મુખ્ય ઉદ્દેશ્યો

• યુનાઈટેડ નેશન્સ (UN) ના મેન્ડેટ હેઠળ અર્ધ-શહેરી અને પર્વતીય વિસ્તારોમાં કાઉન્ટર-ઇન્સર્જન્સી ઓપરેશન્સ (બળવાખોરી વિરોધી કામગીરી) કરવાની સંયુક્ત સૈન્ય ક્ષમતા વધારવી.
• બંને દેશોની સેના વચ્ચે કાર્યકારી કવાયત (Operational Drills) સુધારવી અને શ્રેષ્ઠ પ્રેક્ટિસની આપ-લે કરવી.

તાલીમ અને કવાયતના મુખ્ય ઘટકો

આ સંયુક્ત તાલીમ દરમિયાન નીચે મુજબના ઓપરેશન્સ અને ટેકનોલોજી પર ધ્યાન કેન્દ્રિત કરવામાં આવશે:

• કોર્ડન અને સર્ચ ઓપરેશન્સ 
• રૂમ ઇન્ટરવેન્શન ડ્રીલ્સ 
• સ્પેશિયલ હેલિબોર્ન ઓપરેશન્સ 
• સાયબર સિક્યોરિટી ટ્રેનિંગ 
• ડ્રોન અને કાઉન્ટર-ડ્રોન સિસ્ટમ્સનો ઉપયોગ 

પરીક્ષાલક્ષી પ્રશ્ન 

પ્રશ્ન 1: ‘નોમેડિક એલિફન્ટ’કયા બે દેશો વચ્ચેની સંયુક્ત સૈન્ય કવાયત છે?

A) ભારત અને નેપાળ

B) ભારત અને ભૂટાન

C) ભારત અને મંગોલિયા

D) ભારત અને કઝાકિસ્તાન