'દાનવીર' પહેલથી ગ્રામ પંચાયતો બનશે ડિજિટલ, નાગરિકો કરી શકશે કમ્પ્યુટર દાન

ગ્રામીણ સ્તરે ડિજિટલ ઇન્ફ્રાસ્ટ્રક્ચરને મજબૂત કરવા માટે કેન્દ્રીય પંચાયતી રાજ મંત્રાલય દ્વારા 'દાનવીર' (DAANVEER) નામની જન-ભાગીદારી આધારિત કમ્પ્યુટર ક્રાઉડસોર્સિંગ પહેલ શરૂ કરવામાં આવી છે. આ પહેલનો હેતુ સ્વૈચ્છિક જાહેર સહયોગ દ્વારા ગ્રામ પંચાયતોમાં ડિજિટલ શાસન અને સેવા વિતરણને વેગ આપવાનો છે. 

મુખ્ય વિશેષતાઓ અને કાર્યપદ્ધતિ

• નાગરિકો 'મેરી પંચાયત એપ' દ્વારા રાજ્ય સરકારો દ્વારા ચકાસાયેલ અને કમ્પ્યુટરની જરૂરિયાત ધરાવતી કોઈપણ ગ્રામ પંચાયતને સીધી જ ડેસ્કટોપ કમ્પ્યુટરનું દાન કરી શકે છે.
• એપ પર "ડોનેટ કમ્પ્યુટર" પર ક્લિક કરવાથી દાનિશ દાતા ઓપન નેટવર્ક ફોર ડિજિટલ કોમર્સ (ONDC) સક્ષમ ડિજિટલ માર્કેટપ્લેસ ‘ડિજીહાટ’ પર રીડાયરેક્ટ થાય છે.
• ઓર્ડરની પુષ્ટિથી લઈને ડિસ્પેચ, ડિલિવરી અને ગ્રામ પંચાયત સચિવ દ્વારા સ્વીકૃતિ સુધીની દરેક પ્રક્રિયા રિયલ ટાઇમમાં ટ્રેક કરી શકાય છે.
• દાન સફળતાપૂર્વક પૂર્ણ થયા બાદ અને પંચાયત દ્વારા સ્વીકૃતિ મળ્યા પછી, દાતાને ડિજિટલ જનરેટેડ પ્રશંસાપત્ર મળે છે.

હેતુ અને પ્રભાવ

• આ પહેલથી ગ્રામ પંચાયતો આયોજન, નાણાકીય સંચાલન, રેકોર્ડ રાખવા અને નાગરિક સેવા વિતરણ માટે ડિજિટલ પ્લેટફોર્મનો અસરકારક ઉપયોગ કરી શકશે.
• પોતાના વતનથી દૂર રહેતા નાગરિકો, ભારતીય diaspora (પ્રવાસી ભારતીયો), પરોપકારી સંસ્થાઓ અને CSR ભાગીદારો માટે ગ્રામીણ ડિજિટલ ઇન્ફ્રાસ્ટ્રક્ચરમાં યોગદાન આપવાનો આ એક વિશ્વસનીય માર્ગ છે.

પરીક્ષાલક્ષી પ્રશ્નો: 

પ્રશ્ન 1: ‘દાનવીર’ (DAANVEER) પહેલનો મુખ્ય હેતુ શું છે?

(A) શહેરી વિસ્તારોમાં ડિજિટલ શિક્ષણ વધારવું
(B) ગ્રામ પંચાયતોમાં ડિજિટલ ઇન્ફ્રાસ્ટ્રક્ચર મજબૂત કરવું
(C) ખેડૂતોને ડિજિટલ લોન આપવી
(D) સરકારી કર્મચારીઓને કમ્પ્યુટર તાલીમ આપવી

પ્રશ્ન 2: ‘દાનવીર’ (DAANVEER) પહેલ કયા કેન્દ્રીય મંત્રાલય દ્વારા શરૂ કરવામાં આવી છે?

(A) ઇલેક્ટ્રોનિક્સ અને માહિતી પ્રૌદ્યોગિકી મંત્રાલય
(B) ગ્રામ વિકાસ મંત્રાલય
(C) પંચાયતી રાજ મંત્રાલય
(D) સહકાર મંત્રાલય