બજાર કડડભૂસ! ચાંદીના ભાવ રૂ.15 હજાર તૂટયા, સોનામાં પણ મોટો ઘટાડો, જાણો કારણ
Summarized by AI; it may make mistakes. Check important info
Summarized by AI; it may make mistakes. Check important info
Gold & Silver Prices Crash: ભારતીય શેરબજાર આજે 26 માર્ચે રામ નવમીના કારણે બંધ રહ્યું હતું. જો કે, કોમોડિટી બજાર સાંજે 5 વાગ્યે ખુલ્યું હતું અને રાત્રે 11:30 વાગ્યા સુધી ખુલ્લું રહ્યું હતું. કોમોડિટી બજાર ખુલતાની સાથે જ મલ્ટી કોમોડિટી એક્સચેન્જ(MCX) પર સોના અને ચાંદીના ભાવમાં તીવ્ર ઘટાડો જોવા મળ્યો હતો. જેમાં ચાંદીમાં થોડીવારમાં પ્રતિ કિલોગ્રામ રૂ.15,000નો ઘટાડો નોંધાયો છે. જ્યારે સોનાના ભાવમાં પણ નોંધપાત્ર ઘટાડો જોવા મળ્યો છે.
ચાંદીના ભાવ રૂ.15 હજાર તૂટયા, સોનામાં પણ મોટો ઘટાડો
MCX પર સાંજે 7 વાગ્યા સુધીમાં સોનાના ભાવ ₹3,000થી વધુ ઘટીને ₹1.40 લાખ પ્રતિ 10 ગ્રામ પર બંધ થયા હતા. આ ભાવ બુધવારના રોજ બંધ થયેલા ભાવની તુલનામાં 2% થી વધુનો ઘટાડો દર્શાવે છે. આ દરમિયાન, ચાંદીમાં ₹15,000નો ઘટાડો થતાં કિંમત ₹2.20 લાખ પ્રતિ કિલોગ્રામથી નીચે આવી ગઈ છે. બુધવારના સ્તરની તુલનામાં ચાંદીના ભાવમાં 6% સુધીનો ઘટાડો જોવા મળ્યો હતો.
સોના-ચાંદીના ભાવમાં મોટો ઘટાડો કેમ થયો?
યુનાઇટેડ સ્ટેટ્સ અને ઇરાન વચ્ચેની પરિસ્થિતિ હજુ પણ અસ્પષ્ટ છે. અમેરિકાએ ઇરાન સાથે યુદ્ધ ખત્મ કરવા માટે 15 શરતોનો પ્રસ્તાવ મુક્યો છે. આ પ્રસ્તાવને ઇરાને નકારી કાઢ્યો છે. જેને લઈને ટ્રમ્પે ચેતવણી આપી છે કે, જો પ્રસ્તાવ સ્વીકારવામાં કોઈ વિલંબ થશે તો તેનું પરિણામ સારું નહીં આવે. આ નિવેદન પછી જિયો-પોલિટિકલ જોખમો વધી ગયુ છે.
ઇરાને કહ્યું કે, જો અમારા પર સૈન્ય કાર્યવાહી કરી અથવા તો દબાણ કરવામાં આવ્યું તો હોર્મુઝની સાથે-સાથે બાબ અલ-મંડાબ ચોક પોઇન્ટ પણ બંધ કરીશું. જેનાથી ગ્લોબલ સ્પલાઈ વધુ પ્રભાવિત થઈ શકે છે. આ બધા પરિબળોને કારણે ક્રૂડ ઓઇલના ભાવમાં તીવ્ર ઉછાળો જોવા મળ્યો છે.
ક્રૂડ ઓઇલના ભાવમાં વધારો
WTI ક્રૂડ ઓઇલના ભાવ 2.93 ટકા વધીને 92.99 ડોલર પ્રતિ બેરલ પર પહોંચ્યા છે. આ દરમિયાન બ્રેન્ટ ક્રૂડ ઓઇલના ભાવ 4 ટકાથી વધુ વધીને 101 ડોલર પ્રતિ બેરલથી ઉપર ટ્રેડ થઈ રહ્યા છે. ઓઇલના ભાવમાં તેજીથી ડોલર પણ મજબૂત થયો છે, જેના પરિણામે સોના અને ચાંદીના ભાવમાં તીવ્ર ઘટાડો થયો છે.
જાન્યુઆરી, 2026માં સોનું ₹1.93 લાખ પ્રતિ 10 ગ્રામના રેકોર્ડ ઊંચા સ્તરે પહોંચ્યું હતું, પરંતુ હવે તે ₹1.40 લાખ પર ટ્રેડ થઈ રહ્યું છે. પરિણામે સોનું તેના રેકોર્ડ ઊંચા ભાવ કરતાં ₹53,000 સસ્તું થઈ ગયું છે. આ દરમિયાન, ચાંદી જાન્યુઆરીમાં ₹4.20 લાખ પ્રતિ કિલોગ્રામ પહોંચી હતી પરંતુ હવે તે ઘટીને ₹2.20 લાખ થઈ ગઈ છે. આનો અર્થ એ થયો કે, ચાંદી રેકોર્ડ ઊંચા ભાવ કરતાં ₹2 લાખ સસ્તું થઈ ગયું છે.
