ભાવનગરમાં મ્યુલ એકાઉન્ટ કેસમાં છેલ્લા ૮ મહિનાથી ફરાર શખ્સ ઝડપાયો

ફરાર શખ્સને ઘોઘારોડ પોલીસને સોંપ્યો

ભાવનગર -  મ્યુલ એકાઉન્ટ કેસમાં છેલ્લા આઠ મહિનાથી ફરાર શખ્સને રેન્જ સ્ટ્રાઇકીંગ ફોર્સની ટીમે મેઘાણી સર્કલ પાસેથી ઝડપી લઇ કાયદેસરની કાર્યવાહી હાથ ધરી છે.

રેન્જ સ્ટ્રાઇકીંગ ફોર્સની ટીમ પેટ્રોલીંગમાં હતા તે દરમિયાન બાતમી મળી હતી કે,મ્યુલ એકાઉન્ટ કેસમાં છેલ્લા આઠ મહિનાથી ફરાર ભાવેશકુમાર મથુરદાસ ગાંધી (ઉં.વ. ૩૯, રહે. સુરત) ભાવનગરના મેઘાણી સર્કલ પાસે આવેલી સ્વીટ દુકાન નજીક તેના બનેવી સાથે ઉભો છે. જે બાતમીના આધારે રેન્જ સ્ટ્રાઇકીંગ ફોર્સની ટીમે દરોડો પાડી ભાવેશકુમાર મથુરદાસ ગાંધીને ઝડપી લીધો હતો.ઝડપાયેલા શખ્સને આગળની કાયદેસરની કાર્યવાહી માટે ઘોઘારોડ પોલીસ સ્ટેશન ખાતે સોંપવામાં આવ્યો છે.