36 લાખના દારૃ અને કોયલીના દારૃના કેસમાં વોન્ટેડ નામચીન આરોપી પકડાયો,18 ગુનામાં સંડોવણી

દેણા અને કોયલીના રૃ.૩૬ લાખના દારૃના બે કેસનો વોન્ટેડ આરોપી પકડાયો
વાડી વિસ્તારના તળાવ પાસે આવતાં જ પોલીસના હાથે ઝડપાઇ ગયો
(પ્રતિનિધિદ્વારા) વડોદરા,શુક્રવાર
શહેર પોલીસે દારૃનો મોટા જથ્થો ઝડપી પાડવાના કરેલા કેસમાં વોન્ટેડ આરોપી આખરે પકડાઇ ગયો છે.
દેણા ખાતે ગઇ તા.૧૧મી માર્ચે પોલીસે દરોડો પાડી ૨૩ લાખનો દારૃ,કન્ટેનર અને મોબાઇલ મળી રૃ.૩૬લાખના મુદ્દામાલ સાથે ચાર જણાને ઝપી પાડયા હતા.જે કેસમાં પિનેશ રાણાનું નામ બહાર આવ્યું હતું.
આવી જ રીતે તા.૧૨મી માર્ચે પોલીસે કોયલીના ગોકુળધામ ખાતે મકાનમાં દરોડો પાડતાં રૃ.૩૯ હજારની કિંમતનો બીયરનો જથ્થો મળી આવ્યો હતો.આ બંને કેસમાં પિનેશ રાકેશભાઇ રાણા (નટરાજ એન્કલેવ,જલારામ રોડ,કારેલી બાગ)નું નામ ખૂલતાં ક્રાઇમ બ્રાન્ચે આજે વાડી વિસ્તારના તળાવ પાસેથી ઝડપી પાડયો હતો.પિનેશ સામે અગાઉ દારુ અને જુગારના 18 જેટલા ગુના નોંધાયા હતા.