સાસરીમાં ગયેલા યુવકના ઘરમાં ચોરી

છોટાઉદેપુર જિલ્લાના સંખેડા તાલુકાના વાસણા ગામનો મૂળ રહેવાસી રાહુલસિંહ રાજપૂત હાલ તરસાલી સુશેન તરસાલી રિંગ રોડ પરની આનંદબાગ સોસાયટીમાં રહે છે અને ખાનગી કંપનીમાં આઇ.ટી.ઓફિસર તરીકે નોકરી કરે છે. ગત ૨૮ મી તારીખે તેઓ મકાનને તાળું મારીને પત્ની સાથે સાસરીમાં ગયા હતા. તે દરમિયાન તેમના બંધ મકાનનું તાળું તોડીને ચોર ટોળકી સોનાના ૩૭ ગ્રામ વજનના દાગીના તથા ચાદીના ૧૫૦ ગ્રામ વજનના દાગીના ચોરી ગઇ હતી. જે અંગે મકરપુરા પોલીસે કાર્યવાહી હાથ ધરી છે.