આજથી ટૂંકા અંતરની કેટલીક ટ્રેનો ત્રણ દિવસ રદ કરાઈ

વડોદરા રેલવે સ્ટેશન પર યાર્ડ રિ- મોડેલિંગ અને ટ્રેક ઈન્ફ્રાસ્ટ્રક્ચરની કામગીરી ચાલી રહી છે. આ કામગીરીના કારણે આગામી ત્રણ દિવસ કેટલીક ટ્રેનોના સંચાલન પર અસર થશે.

તા.૨૯,૩૦ જૂન અને ૧ જુલાઈ દરમિયાન ટૂંકા અંતરની કેટલીક ટ્રેનો રદ રહેશે, જ્યારે કેટલીક ટ્રેનો શોર્ટ ટર્મિનેટ અને શોર્ટ ઓરિજિનેટ થશે.

તા.૨૯,૩૦ જૂન અને ૧ જુલાઈ દરમિયાન વડોદરા- વટવા, વટવા -વડોદરા પેસેન્જર, કઠાણા- પ્રતાપનગર, પ્રતાપનગર- કઠાણા ડેમુ, મિયાગામ કરજણ- પ્રતાપનગર , પ્રતાપનગર- મિયાગામ કરજણ ડેમુ તથા તા.૩૦ જૂન અને ૧ જુલાઈ દરમિયાન  વડોદરા-દહાણુ રોડ, દહાણુ રોડ- વડોદરા સુપરફાસ્ટ એક્સપ્રેસ, વલસાડ-દાહોદ, દાહોદ-વલસાડ એક્સપ્રેસ રદ રહેશે.

આ ઉપરાંત,  તા.૨૯,૩૦ જૂન અને ૧ જુલાઈ વલસાડ- વડોદરા ઈન્ટરસિટી, વિશ્વામિત્રી સ્ટેશન પર શોર્ટ ટર્મિનેટ થતા વડોદરા સ્ટેશન સુધી આવશે નહિ. વડોદરા -ભરુચ મેમુ શોર્ટ ઓરિજિનેટ થતા વડોદરાના બદલે મકરપુરા સ્ટેશનથી ઉપડશે.

તા.૨૯,૩૦ જૂને દાદર- એકતાનગર સુપરફાસ્ટ એક્સપ્રેસ વડોદરા સ્ટેશન પર શોર્ટ ટર્મિનેટ થતા એકતાનગર સુધી જશે નહિ તેમજ તા.૩૦ જૂન અને ૧ જુલાઈ દરમિયાન એકતાનગર - દાદર સુપરફાસ્ટ એક્સપ્રેસ વડોદરા સ્ટેશન પર શોર્ટ ઓરિજિનેટ થતા એકતાનગરના બદલે વડોદરાથી ઉપડશે.