વડોદરામાં બે મહિનામાં ગાંજાના એક ડઝનથી વધુ કેસ, નવા યાર્ડમાં ગાંજા સાથે ખેપિયો પકડાયો

Vadodara : વડોદરા શહેર પોલીસ દ્વારા તમામ પોલીસ સ્ટેશનનોને ડ્રગ્સની કામગીરી સોંપાયા બાદ નાર્કોટિક્સના કેસો સતત નોંધાઈ રહ્યા છે અને નશીલા દ્રવ્યોની હેરાફેરી કરતા તત્વો તેમજ બંધાણીઓમાં ફફડાટ વ્યાપ્યો છે.
નવા યાર્ડ વિસ્તારમાં પોલીસે એક શખ્સને ગાંજા સાથે ઝડપી પાડવાનો વધુ એક બન્યો છે. પોલીસે રોશનનગરમાં રહેતા શાને મોહમ્મદ નબજુલખાન પઠાણને ઝડપી પાડી તેની પાસેથી 10 ગ્રામ જથ્થો ઝડપી પાડ્યો હતો. પોલીસે મોબાઈલ અને અન્ય રોકડ મળી કુલ રૂ.6 હજાર ઉપરાંતની મતા કબજે કરી છે.
પૂછપરછ દરમિયાન ગાંજાનો જથ્થો ગોરવાના મુનાવર પાસેથી મેળવ્યો હોવાની વિગતો ખુલતા પોલીસે તેને વોન્ટેડ જાહેર કર્યો છે. નોંધનીય છે કે બે મહિના પહેલા પોલીસ કમિશનરે તમામ પોલીસ સ્ટેશનને ડ્રગ્સની કામગીરી સોંપતા અત્યાર સુધીમાં ડ્રગ્સના એક ડઝનથી વધુના કેસો નોંધાયા છે.