અકોટામાં મકાનના ત્રીજા માળેથી 10 લાખ ઉપરાંતના ઈ-જથ્થો સાથે સગીર પકડાયો, બે વોન્ટેડ

Vadodara News : વડોદરાના અકોટા વિસ્તારના એક મકાનમાંથી પોલીસે ઈ-સિગારેટનો મોટો જથ્થો ઝડપી પાડ્યો છે. પોલીસે એક સગીરની અટકાયત કરી છે. જ્યારે બે જણાને વોન્ટેડ જાહેર કર્યા છે.
અકોટા ટાઉનશીપના ત્રીજા માટે મકાનમાં રહેતાસેફાન અને અવેશ નામના શખ્સો ઈ-સિગારેટનો સ્ટોક રાખી અલગ અલગ જગ્યાએ વેચાણ કરતા હોવાની વિગતો મળતા એસ.ઓ.જીની ટીમે દરોડો પાડ્યો હતો. પોલીસે મકાનમાંથી એક સગીરની અટકાયત કરી હતી.
મકાનમાં તપાસ કરતા જુદી જુદી બ્રાન્ડની પ્રતિબંધિત ઈ-સિગારેટનો રૂ.10 લાખથી વધુની કિંમતનો જથ્થો મળી આવ્યો હતો. પોલીસે સેફાન ઉર્ફે બાબા ઈકબાલ મેમણ(બહાર કોલની, આજવા રોડ) અને અવેશ રફીક ભાઈ પટેલ (મહંમદ વાડી, અકોટા)ને વોન્ટેડ જાહેર કરી તપાસ હાથ ધરી છે.