વડોદરામાં સરદાર એસ્ટેટ પાસે પરોઢિયે લક્ઝરી બસ આગમાં ખાખ, જાનહાની થતા રહી ગઈ

Vadodara Bus Fire : વડોદરાના આજવા રોડ વિસ્તારમાં આજે પરોઢિયે એક લક્ઝરી બસમાં આગ લાગવાના બનાવને પગલે સ્થાનિક રહીશો તેમજ વાહનચાલકોમાં અફરાતફરી સર્જાઇ હતી.
પ્રાપ્ત વિગતો મુજબ આજવા રોડ સરદાર એસ્ટેટ પાસે એક લક્ઝરી બસ સાઈડમાં પાર્ક હતી તે દરમિયાન અચાનક તેમાંથી ધુમાડા નીકળવા માંડતા દહેજતનો માહોલ સર્જાયો હતો. સ્થાનિક રહીશો તેમજ વાહનચાલકો ગભરાઈ ગયા હતા અને તરત જ ફાયર બ્રિગેડને જાણ કરવામાં આવી હતી.
પાણીગેટ ફાયર બ્રિગેડની ટીમ દ્વારા અડધો કલાકમાં આગ પર કાબુ મેળવવામાં આવ્યો હતો. બનાવને પગલે પોલીસ પણ દોડી આવી હતી અને પ્રાથમિક વિગતો મેળવી હતી. ઉપરોક્ત બનાવવામાં કોઈની થઈ હોવાના અહેવાલ નથી તેમ જ આગ લાગવા પાછળનું ચોક્કસ કારણ પણ બહાર આવ્યું નથી.