જવેલર્સના કર્મચારીએ સોનાની બે ચેઇન વગે કરી ડૂપ્લિકેટ ચેઇન મૂકી દીધી

વડોદરાના રેસકોર્સ વિસ્તારના એક જ્વેલર્સને ત્યાં કામ કરતા કર્મચારીએ સોનાની ચાર ચેઇનો ચોરી લીધી હતી,પરંતુ પકડાઇ જતાં બે ચેઇન પરત કરી હતી.જેથી અકોટા પોલીસે તેની સામે ગુનો નોંધ્યો છે.
રેસકોર્સ વિસ્તારમાં વાણિજ્ય ભવન સામે આવેલા મલબાર જ્વેલર્સ શો રૃમમાં ગઇ તા.૧૪મી ઓગષ્ટે સ્ટોકની ચકાસણી દરમિયાન સોનાની રૃ.એક લાખની કિંમતની છ ગ્રામની ચેઇનને બદલે એક નકલી ચેઇન મળી હતી.જેથી સીસીટીવી ફૂટેજ તપાસતાં ફૈઝલ સલીમ મનસુરી(આજવારોડ,વડોદરા) નામનો કર્મચારી ચેઇનનું ટેગ હાથ પર લગાવી વોશરૃમમાં જતો અને ત્યારબાદ નકલી ચેઇન મૂકતો દેખાયો હતો.
આ બનાવ પછી જાન્યુઆરીથી સ્ટોકની ગણતરી કરતાં જાન્યુઆરીમાં ૧૮ ગ્રામથી વધુની ૩.૨૧ લાખની એક ચેઇન,ફેબુ્રઆરીમાં રૃ.૨.૮૧ લાખની ૧૬ ગ્રામથી વધુ વજનની ચેઇન અને જૂનમાં ૪ ગ્રામ ઉપરાંતની રૃ.૬૫ હજારની કિંમતની ચેઇન ગૂમ થયાનું જણાઇ આવ્યું હતું અને તેને બદલે ડૂપ્લિકેટ ચેઇન મળી આવી હતી.ફૈઝલની પૂછપરછ કરતાં તેણે બે ચઇન પરત કરી હતી.જ્યારે જાન્યુઆરી અને ફેબુ્રઆરીમાં ચોરી કરેલી રૃ.છ લાખની બે ચેઇનનો પતો નહિ લાગતાં પોલીસે કાર્યવાહી કરી છે.