ગોરવામાં ગણેશ વિસર્જન દરમિયાન બે જૂથ વચ્ચે મારામારી

ગોરવામાં ગણેશ વિસર્જન યાત્રા દરમિયાન બે જૂથ વચ્ચે મારામારી થઇ હતી. પોલીસે બંને પક્ષની ફરિયાદ નોંધી કાયદેસરની કાર્યવાહી હાથ ધરી છે.
ગણેશ વિસર્જન દરમિયાન ગાડી ઊભી રાખવાના મુદ્દે ગોરવા નજીકના ઓધવપુરા ગામ બહાર વહાણવટી મંદિર પાસે બે જૂથ વચ્ચે ધિંગાણુ થયું હતું. જે અંગે ગોરવા પોલીસે ગુનો દાખલ કરી બંને પક્ષના ૧૨ લોકોની ધરપકડ કરી કાયદેસરની કાર્યવાહી હાથ ધરી છે. જેમાં (૧) દિલીપ અશોકભાઇ પરમાર (૨) સચીન મહેશભાઇ સોલંકી (૩) કરણસિંહ નરેન્દ્રસિંહ સોલંકી (૪) ધર્મેશ જશવંતભાઇ પરમાર (૫) મિહીરકુમાર દિલીપભાઇ જાદવ (૬) યશકુમાર સંતોષભાઇ રાઠોડ (૭) વિજય છગનસિંહ પરમાર (૮) યોગેશ વિઠ્ઠલભાઇ પરમાર(૯) અમરસિંહ ફતેસિંહ પરમાર (૧૦) વિરેન્દ્રસિંહ અમરસિંહ પરમાર (૧૧) અતુલકુમાર અશોકભાઇ પરમાર તથા (૧૨) સંજય જશવંતભાઇ પરમાર ( તમામ રહે. ઓધવપુરા ગામ) નો સમાવેશ થાય છે.