ગણેશોત્સવ દરમિયાન મોડીરાત્રે શાી બ્રિજ પર દંપતી સાથે ઝઘડો કરી હુમલો

મોડીરાત્રે ગણપતિ જોવા નીકળેલા દંપતી સાથે ઝઘડો કરી પાંચ માથાભારે યુવકોએ પતિને માર માર્યો હતો. જે અંગે ગોરવા પોલીસે ગુનો દાખલ કરી પાંચની ધરપકડ કરી છે.
ફતેગંજ વિસ્તારની યોગીનગર સોસાયટીમાં રહેતા સુનિતા કુંદલાણીએ ગોરવા પોલીસ સ્ટેશનમાં તેમણે ફરિયાદ નોંધાવી જણાવ્યું છે કે, ગઈકાલે રાત્રે પોણા બાર વાગ્યે હું અને મારા પતિ હરેશ કુંદલાણી ટુ વ્હીલર પર ગણેશ દર્શન માટે ઈલોરાપાર્ક તરફ જઈ રહ્યા હતા. તે દરમિયાન હોર્ન વગાડવાના મુદ્દે પાચ યુવકોએ ભેગા મળીને મારા પતિ સાથે ગાળાગાળી કરી માર મારી જાનથી મારી નાખવાની ધમકી આપી હતી. પોલીસે (૧) મયૂર સંજયભાઈ માછી અને તેના સાથીદારોના (૨) અક્ષય અશોકભાઇ માછી (૩) સાહીલ અશોકભાઇ માછી (૪) પ્રિતેશ ઔભરતભાઇ કપ્તાન તથા (૫) વિષ્ણુ લક્ષ્મણભાઇ માછી (તમામ રહે. વારસીયા રિંગ રોડ, વડોદરા) ની સામે ગુનો દાખલ કરી કાયદેસરની કાર્યવાહી હાથ ધરી છે.