મહારાષ્ટ્રની બસ બાદ વડોદરામાં મધ્ય પ્રદેશની બસે 4 વાહનને અડફેટમાં લીધા

Vadodara Accident : વડોદરામાં અકસ્માતના બનાવો સતત બની રહ્યા છે ત્યારે એક સપ્તાહ પહેલા મહારાષ્ટ્રની બસની બ્રેક ફેલ થતાં ફતેગંજ બ્રિજ ઉપર ત્રણ વાહનો સાથે અકસ્માતનો બનાવ બન્યો હતો. ગઈ રાત્રે મધ્યપ્રદેશની બસનો અકસ્માત થતા ચાર વાહનોને નુકસાન થયું હતું.
પ્રાપ્ત વિગતો મુજબ મધ્યપ્રદેશની બસ હળની રોડ પરથી પસાર થતી હતી ત્યારે ડ્રાઇવરે સ્ટિઅરીંગ પરનો કાબુ ગુમાવતા બસ એક પછી એક ચાર કાર સાથે ભટકાઈ હતી.
સારા નસીબે આ બનાવવામાં કોઈને ઈજા થઈ ન હતી. પરંતુ બનાવ બાદ ગભરાયેલો બસ ડ્રાઇવર સ્થળ પરથી ભાગી છુટ્યો હતો. જેને કારણે બસના મુસાફરો દોડતી બે કલાક સુધી અટવાયા હતા. હરણી પોલીસે બનાવ અંગે કાર્યવાહી કરી હતી.