ફતેગંજના સલૂનમાં કામકરતા યુવકે હેરપ્રોડક્ટ આપવાના નામે યુવતીને ઘેર બોલાવી છેડતી કરી

શહેરના અકોટા વિસ્તારમાં એક યુવતીને ઘેર બોલાવીને છેડતી કરનાર યુવકની ધરપકડ કરવામાં આવી છે.
અકોટા ગાર્ડન પાસે ભાડાના મકાનમાં રહેતો અને ફતેગંજ બ્રિજ નજીકના એક હેર સલૂનમાં કામ કરતો દક્ષ જીગ્નેશ માયાત્રા (મૂળ રહે.અમરેલી)તેની ગર્લફ્રેન્ડ મારફતે એક યુવતીના સંપર્કમાં આવ્યો હતો.

આ યુવતીને હેર પ્રોડક્ટ લેવા માટે પોતાના ઘેર બોલાવ્યા બાદ તેણે પોતાને ઘેર બોલાવી હતી અને ત્યારબાદ છેડછાડ કરતાં યુવતી તરત જ ઘરમાંથી નીકળી ગઇ હતી અને અકોટા પોલીસને જાણ કરતાં પોલીસે છેડતીના કેસમાં યુવકની ધરપકડ કરી છે.