ગોરવાની ફેક્ટરીમાંથી સાધનો અને કેમેરા ચોરનાર રીઢો ચોર પકડાયો,14ગુનામાં સંડોવણી

ગોરવાની ફેક્ટરીમાંથી ચોરી કરનાર રીઢા ગુનેગાર અને તેના સાગરીતને ક્રાઇમ બ્રાન્ચે ઝડપી પાડયા છે.
ખાસવાડી સ્મશાન પાસે બાઇક પર જતા દિવ્યાંગ ઉર્ફે નાનુ વિરબહાદૂર રાણા(વૃન્દાવન સોસાયટી,રણોલી) અને તેના સાગરીત અંકિત વિભાકર સેલાત(અમિતનગર સોસાયટી,કારેલીબાગ)ને પોલીસે અટકાવી તપાસ કરતાં તેમની પાસેથી કેમેરાના પાર્ટ્સ અને અન્ય સાધનો મળી આવ્યા હતા.
વધુ તપાસ દરમિયાન તેમણે એક સપ્તાહ પહેલાં ગોરવા બીઆઇડીસીની બંધ ફેક્ટરીના પતરાં તોડી અંદરથી પિત્તળના બુસ,કેમેરા સહિતની ચીજો ચાર્યાની વિગતો બહાર આવી હતી.પોલીસે તેમની પાસેથી કુલ રૃ.૨.૨૦ લાખનો મુદ્દામાલ કબજે કર્યો છે.આ પૈકી દિવ્યાંગ સામે અગાઉ ૧૪ જેટલા ગુના નોંધાયા હોવાની અને ત્રણ વાર પાસા હેઠળ જેલ પણ જઇ આવ્યો હોવાની વિગતો ખૂલી છે.