વડોદરામાં જેલવાસ ભોગવતા ૫૦૩ કેદીઓને રાખડી બાંધવા ૧,૦૩૭ બહેનો આવી

વડોદરા જેલમાં એવા પણ ત્રણ કેદી હતા કે, તેઓની બહેનો પણ આ જેલમાં જ કેદી તરીકે હતી. તેઓને એક સ્થળે લાવી રક્ષાબંધનની ઉજવણી કરાવવાની વ્યવસ્થા જેલ અધિકારી દ્વારા કરાઇ હતી.
દર વર્ષની જેમ આ વર્ષે પણ જેલવાસ ભોગવતા પાકા અને કાચા કામના કેદીઓ માટે રક્ષાબંધનના પર્વની ઉજવણી માટે જેલ અધિકારીઓ દ્વારા આયોજન કરાયું હતું. જેલમાં ભાઇઓને રાખડી બાંધનાર બહેનોને આ વર્ષે એક વિશેષ ભેટ આપવામાં આવી હતી. જેલ દ્વારા કરાયેલી વ્યવસ્થાના ભાગરૃપે દરેક બહેનને એક છોડ ભેટ સ્વરૃપે આપવામાં આવ્યો હતો.
ઉલ્લેખનીય છે કે, જેલમાં બંધ ૫૦૩ કેદીઓને રાખડી બાંધવા માટે ૧,૦૩૭ મહિલાઓ આવી હતી. જ્યારે જેલવાસ ભોગવતી ૧૧ મહિલાઓ પાસે રાખડી બંધાવવા તેમના ૧૯ ભાઇઓ જેલમાં આવ્યા હતા.