અમદાવાદના મનપસંદ જીમખાનામાં SMCની રેડ, હાઈપ્રોફાઈલ જુગારધામ પરથી 150થી વધુ લોકો ઝડપાયા

Ahmedabad News: સ્ટેટ મોનિટરિંગ સેલ દ્વારા અમદાવાદના નામાંકિત અને સૌથી મોટા એવા મનપસંદ જીમખાના ક્લબમાં કાર્યવાહી કરીને એક મોટા હાઈપ્રોફાઈલ જુગારધામનો પર્દાફાશ કરવામાં આવ્યો છે. આ દરમિયાન ક્લબમાં ગેરકાયદે રીતે જુગાર રમી રહેલા 150 કરતાં પણ વધુ લોકોને પોલીસે રંગેહાથ ઝડપી પાડ્યા હતા.

અમદાવાદના મનપસંદ જીમખાનામાં SMCની રેડની કાર્યવાહીમાં પોલીસની ટીમે સ્થળ પરથી મોટી રોકડ રકમ અને જુગારના સાધનો સહિતનો લાખો રૂપિયાનો મુદ્દામાલ જપ્ત કરીને તમામ આરોપીઓ સામે કાયદેસરની તપાસ હાથ ધરી છે.