આવતીકાલે બેંકોની દેશવ્યાપી હડતાળ: '5 ડે વર્કિંગ'ની માગ સાથે ગુજરાતના 75 હજાર કર્મચારીઓ જોડાશે, ₹15 હજાર કરોડના વ્યવહારો ઠપ્પ થવાની ભીતિ
Summarized by AI; it may make mistakes. Check important info
Summarized by AI; it may make mistakes. Check important info
Bank Strike News: આવતીકાલે 11 સપ્ટેમ્બર 2026ના રોજ દેશભરના બેંક કર્મચારીઓએ દેશવ્યાપી હડતાળનું આહ્વાન કર્યું છે. '5 ડે બેંકિંગ' (અઠવાડિયામાં 5 દિવસનું કામકાજ) લાગુ કરવાની મુખ્ય માંગણી અને પડતર પ્રશ્નોના ઉકેલ માટે બેંક યુનિયનો દ્વારા આ હડતાળનું હથીયાર ઉગામ્યું છે.
આવતીકાલે બેંકોની દેશવ્યાપી હડતાળ
આ પ્રશ્ને કેન્દ્રીય લેબર કમિશનર સાથે બે રાઉન્ડની વાટાઘાટો અને બેઠકો યોજાઈ હોવા છતાં કોઈ સાનુકૂળ ઉકેલ ન આવતા આખરે કર્મચારીઓએ હડતાળ પર જવાનો આખરી નિર્ણય લીધો છે. આમ, શુક્રવારે(11 સપ્ટેમ્બર) બેંકની દેશવ્યાપી હડતાળ છે અને પછી શનિ-રવિની રજા હોવાની બેંક ત્રણ દિવસ બંધ રહેશે.
'5 ડે વર્કિંગ'ની માગ સાથે ગુજરાતના 75 હજાર કર્મચારીઓ જોડાશે
આ દેશવ્યાપી હડતાળમાં ગુજરાતના આશરે 75 હજાર જેટલા બેંક કર્મચારીઓ જોડાશે, જેના કારણે રાજ્યમાં અંદાજે ₹15 હજાર કરોડના નાણાકીય વ્યવહારો ખોરવાઈ જવાની આશંકા સેવાઈ રહી છે. આંદોલનના ભાગરૂપે આવતીકાલે 11 સપ્ટેમ્બરે સવારે 10:30 થી બપોરે 12:30 વાગ્યા દરમિયાન તમામ બેંક કર્મચારીઓ સેન્ટ્રલ બેંક ઓફ ઈન્ડિયા ખાતે એકત્રિત થશે અને વિરોધ પ્રદર્શન યોજી પોતાના હક અને માંગણીઓ બુલંદ કરશે.
