LIC ની એવી ગજબ સ્કીમ જેમાં એકવાર રોકાણ બાદ જીવનભર કમાણી, લોન પણ મળી શકે

LIC Best Scheme: ભારતીય જીવન વીમા નિગમ (LIC) બાળકો, યુવાનો, મહિલાઓથી લઈને વડીલો સુધીના તમામ માટે અનેક પ્લાન ઓફર કરે છે, જેમાંથી ઘણામાં ધાંસૂ રિટર્ન, તો ઘણામાં રેગ્યુલર આવકની ગેરંટી મળે છે. બીજી તરફ કેટલાક પ્લાન એવા પણ છે, જે લાઈફટાઇમ કવર સાથે રજૂ કરવામાં આવે છે. આવો જ LIC જીવન ઉત્સવ સિંગલ પ્રીમિયમ પ્લાન (LIC Jeevan Utsav Singal Premium Plan) છે, જે માત્ર એક જ વાર રોકાણ કરવા પર પોલિસી ધારકોને આજીવન વીમાની ગેરંટી આપે છે. ચાલો જાણીએ કે તેના શું-શું ફાયદા છે?

માર્કેટના ઉતાર-ચઢાવની ફાયદા પર અસર નહીં

LIC જીવન ઉત્સવ સિંગલ પ્રીમિયમ પ્લાન એક નોન-લિંક્ડ અને નોન-પાર્ટીસિપેટિંગ છે એટલે કે તેનું રિટર્ન શેર માર્કેટ સાથે જોડાયેલું નહીં હોય અને તેમાં અગાઉથી નક્કી કરેલા લાભ મળશે. આ પ્લાનમાં નક્કી કરેલા સમય સુધી ગેરંટીડ એડિશન પણ જોડાતા રહે છે. સ્પષ્ટ શબ્દોમાં કહીએ તો, આ બચતની સાથે જ આખી લાઈફનું કવર આપે છે. તેમાં માત્ર એક જ વાર પ્રીમિયમ જમા કરવાનું રહેશે.

બેઝિક સમ એશ્યોર્ડ 5 લાખ

LIC જીવન ઉત્સવ સિંગલ પ્રીમિયમ પ્લાનને 30 દિવસના બાળકથી લઈને 65 વર્ષની ઉંમર સુધીની વ્યક્તિ લઈ શકે છે. તેમાં ઓછામાં ઓછું બેઝિક સમ એશ્યોર્ડ 5 લાખ રૂપિયા છે, જ્યારે મેક્સિમમ માટે LICએ કોઈ મર્યાદા નક્કી કરી નથી. એટલે કે જેટલો ઈચ્છીએ તેટલો મોટો પ્લાન લઈ શકીએ છીએ. આ પ્લાનમાં ગેરંટીડ એડિશન તરીકે દરેક પોલિસી વર્ષના અંતમાં 40 રૂપિયા પ્રતિ 1,000 રૂપિયા સમ એશ્યોર્ડ જોડાય છે, જે ગેરંટીડ એડિશન સમયગાળા સુધી મળે છે.

રેગ્યુલર ઈન્કમ અથવા ફ્લેક્સી ઈન્કમ

LICની આ ધાંસૂ પોલિસીમાં ગ્રાહકને આવકના બે વિકલ્પો ઓફર કરવામાં આવે છે. જેમાં પહેલો રેગ્યુલર ઈન્કમ બેનિફિટ છે, જ્યારે બીજો ફ્લેક્સી ઈન્કમ બેનિફિટ છે. નિયમને જોઈએ તો, રેગ્યુલર ઈન્કમ બેનિફિટમાં દર વર્ષે બેઝિક સમ એશ્યોર્ડના 10% મળે છે, જે 7 થી 17 વર્ષ પછી શરૂ થાય છે. વળી, ફ્લેક્સી ઈન્કમ બેનિફિટમાં 10% આવકને અંતમાં લેવા માટે જમા કરી શકાય છે અને તેના પર LIC વાર્ષિક 5.5% કમ્પાઉન્ડિંગ વ્યાજ પણ આપે છે.

જો પોલિસી ધારકનું નિધન થઈ જાય તો?

LIC પોતાના પ્લાનમાં રોકાણકારોને ડેથ બેનિફિટ્સ પણ આપે છે. જો LIC જીવન ઉત્સવ સિંગલ પ્રીમિયમ પ્લાનમાં પોલિસી ચાલુ રહેતી વખતે પોલિસી ધારકનું નિધન થઈ જાય છે, તો પછી આ સ્થિતિમાં દસ્તાવેજોમાં નોંધાયેલા નોમિનીને સમ એશ્યોર્ડ ઓન ડેથ અને મૃત્યુ સુધી જોડાયેલા તમામ ગેરંટીડ એડિશન મળશે. સમ એશ્યોર્ડ ઓન ડેથમાં બેઝિક સમ એશ્યોર્ડ અથવા ટેબ્યુલર સિંગલ પ્રીમિયમના 1.25 ગણા મળશે, તેમાંથી જે પણ વધુ હશે તે.

આ પ્લાનમાં લોનની સુવિધા પણ

જીવન ઉત્સવ સિંગલ પ્રીમિયમ પ્લાન અંતર્ગત LIC પોલિસી ધારકને લોનની સુવિધા પણ આપે છે. જરૂર પડવા પર પોલિસીના સમયગાળા દરમિયાન તેનો લાભ લઈ શકાય છે. આ સિવાય વધારાનું પ્રીમિયમ ચૂકવીને 'આકસ્મિક મૃત્યુ અને અપંગતા લાભ રાઈડર' ઉપરાંત 'ટર્મ ઈન્શ્યોરન્સ રાઈડર' પણ જોડી શકાય છે. આ પ્લાનને LICના અધિકૃત એજન્ટો, બ્રોકરો અને LICની સત્તાવાર વેબસાઈટ દ્વારા સીધા જ ઓનલાઈન ખરીદી શકાય છે.