30 વર્ષની હોમ લોન 11 વર્ષમાં પતી જશે, સમજી લો EMIની આ ફોર્મ્યૂલા

Prepay Home Loan In 11 Years: મધ્યમ વર્ગના પરિવારો માટે પોતાનું ઘર ખરીદવું એ જીવનનું સૌથી મોટું સપનું હોય છે, જેને પૂરું કરવા મોટાભાગના લોકો હોમ લોન લે છે. 30 વર્ષની લોનમાં મુદ્દલ કરતાં વ્યાજ પેટે બે ગણી રકમ ચૂકવવી પડે છે. જો યોગ્ય નાણાકીય આયોજન કરવામાં આવે તો 30 વર્ષની લોન માત્ર 10થી 11 વર્ષમાં પૂરી થઈ શકે છે.

હોમ લોન કેલ્ક્યુલેશન

આ ગણતરી સ્પષ્ટ દર્શાવે છે કે ₹1.50 લાખની લોન પર 30 વર્ષમાં ₹2.27 લાખથી વધુ વ્યાજ ચૂકવવું પડે છે, એટલે કે વ્યાજ મુદ્દલ કરતાં પણ ઘણું વધારે થઈ જાય છે.

EMI અને વ્યાજ પાછળનું મોટું કન્ફ્યુઝન

• શરૂઆતના વર્ષોમાં વ્યાજનો મોટો હિસ્સો: જો તમે ₹1 કરોડની લોન 30 વર્ષ માટે 7.5%ના દરે લો છો, તો માસિક EMI ₹69,921 થાય છે.
• શરૂઆતમાં આ ₹69,921માંથી લગભગ 90% રકમ (આશરે ₹62,500) માત્ર વ્યાજમાં જાય છે અને પ્રિન્સિપલમાંથી માત્ર ₹7,421 જ કપાય છે.
• શરૂઆતના 15 વર્ષો સુધી EMIનો મોટો હિસ્સો વ્યાજ ચૂકવવામાં જાય છે, જ્યારે 15 વર્ષ પછી મુદ્દલ ઝડપથી ઘટે છે અને વ્યાજ ઓછું થાય છે.
• પરિણામે, ₹1 કરોડની લોન પર ₹1.51 કરોડથી વધુ વ્યાજ સાથે કુલ ચુકવણી ₹2.51 કરોડ સુધી પહોંચી જાય છે.

હોમ લોન ઝડપથી પૂરી કરવાના 2 સરળ ફોર્મ્યુલા

પ્લસ વન ફોર્મ્યુલા: વર્ષમાં નિયમિત 12 EMI ઉપરાંત 1 વધારાની EMI (એટલે કે વર્ષે 13 હપ્તા) ચૂકવો. આ વધારાની EMI સીધી મુદ્દલમાંથી બાદ થાય છે કારણ કે તેમાં કોઈ વ્યાજ હોતું નથી. આ પદ્ધતિથી 30 વર્ષની લોન ઘટીને 23 વર્ષ અને 7 મહિનામાં પૂરી થઈ જાય છે.

EMIમાં વાર્ષિક 10% વધારાનો ફોર્મ્યુલા: જેમ દર વર્ષે આવક વધે છે, તેમ દર વર્ષે EMIમાં 10%નો વધારો કરતા જાઓ (દા.ત. ₹20,000ની EMI હોય તો આવતા વર્ષે ₹22,000 ચૂકવો). આ પ્રક્રિયા ચાલુ રાખવાથી 30 વર્ષની લોન માત્ર 11 વર્ષ અને 2 મહિનામાં ક્લોઝ થઈ જાય છે.

બંને ફોર્મ્યુલાનું મિશ્રણ: જો તમે દર વર્ષે 1 વધારાની EMI આપો અને સાથે દર વર્ષે EMIમાં 10%નો વધારો કરતા જાઓ, તો તમારી હોમ લોન માત્ર 10 વર્ષ અને 6 મહિનામાં સંપૂર્ણપણે ચૂકતે થઈ જાય છે.