વિરાટ કોહલીની 83મી સદી, ચાહકો ખુશખુશાલ: ધુંઆધાર બેટિંગથી અનેક રેકોર્ડ ધ્વસ્ત, જુઓ લિસ્ટ

Virat Kohli Makes History: Most Centuries in One Format (52 ODI 100s) — Match Report | ભારત અને સાઉથ આફ્રિકા વચ્ચે આજથી વનડે સીરિઝની શરૂઆત થઈ છે. આજે રાંચીમાં બંને ટીમો વચ્ચે સીરિઝની પ્રથમ મેચ રમાઈ. જેમાં ભારતીય ટીમના સ્ટાર ખેલાડી રોહિત શર્મા અને વિરાટ કોહલીએ આજે શાનદાર બેટિંગ કરી. વિરાટ કોહલીએ આજે શાનદાર સદી ફટકારીને અનેક રેકોર્ડ પોતાના નામે કર્યા છે. 

વિરાટ કોહલીએ વિવિધ રેકોર્ડ તોડ્યા 

વિરાટ કોહલીએ આજે ઈન્ટરનેશલ કરિયરની 83મી સદી ફટકારી. જ્યારે વનડે ફોર્મેટમાં 52મી સદી છે. કોઈ પણ એક ઈન્ટરનેશનલ ફોર્મેટમાં સૌથી વધુ સદી ફટકારવાનો રેકોર્ડ કોહલીએ પોતાના નામે કર્યો છે. 

કોઈ પણ એક ફોર્મેટમાં સૌથી વધુ સદીનો રેકોર્ડ: 

52*- વિરાટ કોહલી ( વનડે ઈન્ટરનેશનલ ) 

51- સચિન તેંડુલકર ( ટેસ્ટ ) 

49- સચિન તેંડુલકર ( વનડે ઈન્ટરનેશનલ ) 

45- જેક્સ કેલિસ ( ટેસ્ટ ) 

41- રિકી પોન્ટિંગ ( ટેસ્ટ ) 

આટલું જ નહીં વિરાટ કોહલી સાઉથ આફ્રિકા વિરુદ્ધ સૌથી વધુ સદી ફટકારનારો ખેલાડી પણ બની ગયો છે. 

સાઉથ આફ્રિકા સામે વનડેમાં સૌથી વધુ સદીનો રેકોર્ડ

6*- વિરાટ કોહલી

5- ડેવિડ વોર્નર

5- સચિન તેંડુલકર

4- કેન વિલિયમસન 

વનડે ઈન્ટરનેશનલમાં સૌથી વધુ સદીનો રેકોર્ડ: 

52*- વિરાટ કોહલી

49- સચિન તેંડુલકર

33*- રોહિત શર્મા 

સ્ટેડિયમમાં સુરક્ષામાં મોટી ચૂક 

વિરાટ કોહલીએ સદી પૂર્ણ કરતાં સ્ટેડિયમમાં દર્શકો ઝૂમી ઉઠ્યા હતા. જોકે તેમાંથી એક ચાહક સુરક્ષા ઘેરો તોડી મેદાનમાં ઘૂસી ગયો અને કોહલીને પગે લાગ્યો હતો. 

રોહિત શર્માએ બનાવ્યો વર્લ્ડરેકોર્ડ 

રોહિત શર્મા વનડે ઈન્ટરનેશનલમાં સૌથી વધુ છગ્ગા ફટકારનારો ખેલાડી બની ગયો છે. અત્યાર સુધી આ રેકોર્ડ પાકિસ્તાનના પૂર્વ કેપ્ટન શાહિદ આફ્રિદીના નામે હતો. આફ્રિદીએ 398 મેચોમાં 351 છગ્ગા ફટકાર્યા હતા. જ્યારે રોહિત શર્માએ 277 મેચમાં 352 છગ્ગા ફટકારી આ રેકોર્ડ હવે પોતાના નામે કરી લીધો છે. આજની મેચમાં રોહિત શર્માએ 5 ચોગ્ગા અને 3 છગ્ગા સાથે 57 રન ફટકાર્યા. રોહિત શર્મા અને વિરાટ કોહલીએ 136 રનની પાર્ટનરશિપ કરી. જે બાદ રોહિત માર્કો જાનસેનની ઓવરમાં LBW આઉટ થયો. 

વનડે ઈન્ટરનેશનલમાં સૌથી વધુ સિક્સરનો રેકોર્ડ

352*- રોહિત શર્મા ( ભારત ) 

351- શાહિદ આફ્રિદી ( પાકિસ્તાન ) 

331- ક્રિસ ગેલ ( વેસ્ટઈન્ડિઝ ) 

270- સનથ જયસૂર્યા ( શ્રીલંકા ) 

229- એમ એસ ધોની ( ભારત )

આજની મેચમાં ભારતની પ્લેઈંગ-11: રોહિત શર્મા, યશસ્વી જયસ્વાલ, વિરાટ કોહલી, ઋતુરાજ ગાયકવાડ, વોશિંગ્ટન સુંદર, કે એલ રાહુલ, રવીન્દ્ર જાડેજા, હર્ષિત રાણા, કુલદીપ યાદવ, અર્શદીપ સિંહ, પ્રસિધ કૃષ્ણા