કોહલી અને પંત વિજય હઝારે ટ્રોફીમાં રમશે, ગુજરાત અને સૌરાષ્ટ્રની ટીમ સામે મેચ; જુઓ શેડ્યૂલ

Vijay Hazare Trophy : આગામી વિજય હઝારે ટ્રોફી માટે દિલ્હી ટીમમાં વિરાટ કોહલી અને ઋષભ પંત રમશે. દિલ્હી અને જિલ્લા ક્રિકેટ એસોસિએશન (DDCA)એ સ્થાનિક વન-ડે ટૂર્નામેન્ટ માટે સંભવિત ખેલાડીઓની યાદી જાહેર કરી છે. 

વિરાટ કોહલી અને પંત વિજય હઝારે ટ્રોફીમાં રમશે

દિલ્હીની ટીમ એલીટ ડી ગ્રુપમાં છે. આ ટીમ 24 ડિસેમ્બરે આંધ્ર સામે ટકરાશે. આ પછી 26 ડિસેમ્બરના રોજ ગુજરાત સામે મેચ થશે. આ ઉપરાંત, તેઓ 29 ડિસેમ્બરે સૌરાષ્ટ્ર અને 31 ડિસેમ્બરે ઓડિશા સામે ટકરાશે.

આ લિસ્ટમાં સૈયદ મુશ્તાક અલી ટ્રોફી માટે પસંદ કરાયેલા ખેલાડીઓનો પણ સમાવેશ થાય છે, જ્યાં નીતિશ રાણાની આગેવાની હેઠળની દિલ્હી 16 પોઈન્ટ સાથે ગ્રુપ ડીમાં ત્રીજા સ્થાને રહીને નોકઆઉટમાં સ્થાન મેળવવામાં નિષ્ફળ રહી હતી. સિનિયર પુરુષ પસંદગી સમિતિની બેઠકમાં સંભવિત ખેલાડીઓની યાદીને અંતિમ સ્વરૂપ આપવામાં આવ્યું હતું. આ સમિતિમાં સિલેક્ટર યશપાલ સિંહ, કે ભાસ્કર પિલ્લઈ, મનુ નાયર, હેડ કોચ સરનદીપ સિંહ, સીએસી ચેરમેન વિજય દહિયા અને સેક્રેટરી અશોક શર્મા સામેલ હતા.

આ પણ વાંચો: હેડ કોચે રોહિત શર્મા અને વિરાટ કોહલીને કેમ શ્રેય ન આપ્યો? પૂર્વ ક્રિકેટરનો 'ગંભીર' સવાલ

કોહલી અને પંતની હાજરીથી દિલ્હીની બેટિંગ ઓર્ડરને ઘણો અનુભવ મળવાની આશા છે. ભારતીય ક્રિકેટ કંટ્રોલ બોર્ડ (BCCI)ના નિયમ અનુસાર, કોન્ટ્રાક્ટ વાળા ભારતીય ખેલાડીઓ જ્યારે આંતરરાષ્ટ્રીય પ્રતિબદ્ધતા પર ન હોય, ત્યારે તેઓને સ્થાનિક ક્રિકેટમાં રમવું પડશે.

પ્લેયર ઓફ ધ સીરિઝ વિરાટ કોહલી 

વિરાટ કોહલી સાઉથ આફ્રિકા સામે વનડે સીરિઝમાં પ્લેયર ઓફ ધ સીરિઝ પસંદ કરાયા. જોકે, પંતને સીરિઝની ત્રણેય મેચમાં બેન્ચ પર બેસવું પડ્યું હતું. આ જોડી આવતા વર્ષે 11થી 17 જાન્યુઆરી દરમિયાન ન્યુઝીલેન્ડ સામેની વનડે સીરિઝ માટે ઉપલબ્ધ રહેશે.

આ પણ વાંચો: બીજી ટી20માં સાઉથ આફ્રિકા સામે ટીમ ઈન્ડિયાની 51 રને હાર, 214 રનના ટાર્ગેટ સામે 162 રનમાં ઓલઆઉટ

સંભવિત ખેલાડીઓનું લિસ્ટ: દેવ લાકડા, દિવિજ મેહરા, યુગલ સૈની, સુજલ સિંઘ, રજનીશ દાદર, અમન ભારતી, ગોવિંદ મિત્તલ, સુમિત બેનીવાલ, શુભમ દુબે, કેશવ ડબાસ, રાહુલ ચૌધરી, સમર્થ સેઠ, શિવમ ત્રિપાઠી, અનમોલ શર્મા, શિવમ ગુપ્તા, લક્ષ્ય થરેજા, મનન ભારદ્વાજ, રોનક વાઘેલા, મયંક ગુસાઈ, કેશવ આર સિંહ, લક્ષ્મણ, દિવાંશ રાવત, પ્રણવ રાજવંશી, પ્રાંશુ વિજયરન, સિદ્ધાંત શર્મા, ગગન વત્સ, વંશ બેદી, રાહુલ ગેહલોત, વિશાલ રાય, સમર્થ સિંહ, સનત સાંગવાન, આયુષ સિંહ, સુમિત માથુર, સંપૂર્ણ ત્રિપાઠી, વિવેક તિવારી, ઋતિક શૌકીન, તેજસ બરોકા, સક્ષમ શર્મા, દેવ દુબે, શિવમ શર્મા, રોહિત યાદવ, અનિરુદ્ધ ચૌધરી, વિશાંત ભાટી, પ્રણવ પંત, પંકજ જસવાલ, અજય ગુલિયા, સિદ્ધાંત બંસલ, વિકાસ સોલંકી, દિવિજ પ્રકાશ અને સૂર્યકાંત ચૌહાણ.