શ્રીલંકા સીરિઝ પહેલા ટીમ ઈન્ડિયા ભારે મુશ્કેલીમાં! એક-બે નહીં 13 સ્ટાર ખેલાડીઓ NCAમાં રિહેબ હેઠળ

Team india injury updates: ટીમ ઈન્ડિયા માટે ઈજાની ચિંતાઓ વધી ગઈ છે. વર્તમાન ટીમ અને ભવિષ્યની યોજનાઓમાં સામેલ 13 ખેલાડીઓ હાલમાં બેંગલુરુ સ્થિત BCCIના સેન્ટર ઓફ એક્સેલન્સ (NCA)માં રિહેબિલિટેશનમાંથી પસાર થઈ રહ્યા છે. કોલંબોમાં શ્રીલંકા સામેની વોર્મ-અપ મેચના પ્રથમ દિવસે શુભમન ગિલ રમ્યા ન હતા, જેનાથી ચિંતા વધુ વધી છે. જસપ્રીત બુમરાહ, હર્ષિત રાણા અને નીતિશ કુમાર રેડ્ડી પહેલાથી જ આ પ્રવાસમાંથી બહાર થઈ ચૂક્યા છે, જ્યારે વોશિંગ્ટન સુંદર અને સાઈ સુદર્શનની ફિટનેસ પર હજુ પણ શંકાના વાદળો ઘેરાયેલા છે.

ટીમ ઈન્ડિયાનું ઈજા સંકટ ઘેરાયું

જસપ્રીત બુમરાહ: ડાબા ઘૂંટણમાં સોજાને કારણે બેંગલુરુ પહોંચ્યા હતા. રિહેબ દરમિયાન તેમને દોડવામાં તકલીફ થઈ રહી છે, જેના કારણે તેમની વાપસી માટે કોઈ ચોક્કસ સમયસીમા નક્કી કરાઈ નથી.

હાર્દિક પંડ્યા: ડાબા ક્વાડ્રિસેપ્સની ઈજામાંથી બહાર આવતી વખતે તેમને જમણા પગની પિંડીમાં દુખાવો થયો હતો. જોકે, સારવાર બાદ તેમણે ફરીથી દોડવાનું શરૂ કરી દીધું છે.

શુભમન ગિલ: પ્રેક્ટિસ સેશન દરમિયાન તેમની જમણી આંગળીમાં ઈજા થઈ હતી. સાવચેતીના ભાગરૂપે તેઓ શ્રીલંકા XI સામેની વોર્મ-અપ મેચના પ્રથમ દિવસે મેદાનમાં ઉતર્યા ન હતા. તેમની ગેરહાજરીમાં કે.એલ. રાહુલે સુકાનીપદ સંભાળ્યું હતું.

સાઈ સુદર્શન: ભારત 'એ' ટીમના પ્રવાસ દરમિયાન જમણા પગના અંગૂઠામાં લાગેલી ઈજાના કારણે શ્રીલંકા સામેની બે ટેસ્ટ મેચની શ્રેણીમાંથી બહાર થઈ ગયા છે.

શુભમન ગિલની પ્રથમ ટેસ્ટમાં રમત પર સંશય હોવાના કારણે નંબર 3 પર દેવદત્ત પડિક્કલ બેટિંગ કરવા આવ્યા હતા, અને તેમણે શાનદાર પ્રદર્શન કરીને પ્લેઇંગ 11 માં પોતાની દાવેદારી નોંધાવી છે.