પાકિસ્તાની સ્ટાર બેટરે બનાવ્યો શરમજનક રેકોર્ડ, 6 ઈનિંગમાં ચોથી વખત '0' પર આઉટ
Summarized by AI; it may make mistakes. Check important info
Summarized by AI; it may make mistakes. Check important info
Most Ducks In A T20I Series: પાકિસ્તાનનો સ્ટાર બેટર સૈમ અયુબ એશિયા કપ 2025માં અપેક્ષા મુજબ પ્રદર્શન કરી શક્યો નહીં. બાંગ્લાદેશ સામેની મેચમાં સૈમ અયુબ સતત ત્રીજી ઈનિંગમાં ખાતું ખોલાવ્યા વિના ઓફ સ્પિનર મેહેદીનો શિકાર બન્યો. દુબઈ ઈન્ટરનેશનલ સ્ટેડિયમમાં રમાયેલી મેચમાં સૈમ અયુબના નામે એક અનિચ્છનીય રેકોર્ડ નોંધાઈ ગયો છે. એશિયા કપ T20ના સુપર ફોર તબક્કાની કરો યા મરો મેચમાં પહેલા બેટિંગ કરતા પાકિસ્તાને આઠ વિકેટે 135 રન બનાવ્યા અને પછી બાંગ્લાદેશને નવ વિકેટે 124 રન પર રોકી દીધું.
સૈમ અયુબ સૌથી ખરાબ રેકોર્ડ
સૈમ અયુબ એશિયા કપ 2025માં 6 ઈનિંગ્સમાં ચોથી વખત શૂન્ય પર આઉટ થયો હતો. તે એશિયા કપ 2025ની પહેલી બે મેચમાં પોતાનું ખાતું ખોલવામાં નિષ્ફળ ગયો. તે ઓમાન ભારત અને યુએઈ સામે શૂન્ય પર પેવેલિયન પાછો ફર્યો. ભારત સામેની આગામી મેચમાં તેને ત્રીજા નંબરે મોકલવામાં આવ્યો, જ્યાં તેણે 21 રન બનાવ્યા. શ્રીલંકા સામેની મેચમાં તેણે બે રન બનાવ્યા. તે બાંગ્લાદેશ સામેની મેચમાં પણ પ્રદર્શન કરવામાં નિષ્ફળ ગયો. સૈમ અયુબ T20 આંતરરાષ્ટ્રીય ક્રિકેટમાં એક જ સીરિઝ અથવા ટુર્નામેન્ટમાં ચાર વખત શૂન્ય આઉટ થનાર પૂર્ણ સભ્ય દેશનો પહેલો ખેલાડી બન્યો. આ પહેલા આ રેકોર્ડ આન્દ્રે ફ્લેચરના નામે હતો, જે 2009ના T20 વર્લ્ડ કપમાં ત્રણ વખત શૂન્ય આઉટ થયો હતો.
આ પણ વાંચો: 'અમે ટીમ ઈન્ડિયાને હરાવવા સક્ષમ...' બે-બે વખત હાર્યા બાદ પણ પાકિસ્તાની કેપ્ટનની ડંફાસ
પાકિસ્તાન અને બાંગ્લાદેશ વચ્ચેની મેચ કેવી રહી
136 રનના સામાન્ય લક્ષ્યનો પીછો કરવા ઉતરેલી બાંગ્લાદેશની શરૂઆત ખરાબ રહી, તેણે પહેલી જ ઓવરમાં ઓપનર પરવેઝ હુસૈન ઇમોન (0)ને ગુમાવી દીધો. બાંગ્લાદેશની બીજી વિકેટ મોહમ્મદ તોહિદ હૃદોય (5)ના રૂપમાં પડી. બંને બેટર શાહીન શાહ આફ્રિદીએ આઉટ કર્યા. પાકિસ્તાનના બોલિંગ આક્રમણ સામે બાંગ્લાદેશનો કોઈ પણ બેટરો લાંબા સમય ટકી શક્યો નહીં.
પાકિસ્તાને બાંગ્લાદેશને 10 રનથી હરાવીને એશિયા કપની ફાઈનલમાં પ્રવેશ કર્યો, જ્યાં તેઓ ટૂર્નામેન્ટમાં ત્રીજી વખત ભારતનો સામનો કરશે. આ પહેલીવાર હશે જ્યારે ભારત અને પાકિસ્તાન એશિયા કપના ટાઇટલ મેચમાં ટકરાશે.
