U19 વર્લ્ડ કપમાં ટીમ ઈન્ડિયા બની ચેમ્પિયન, ફાઈનલમાં ઈંગ્લેન્ડને હરાવ્યું, વૈભવની 175 રનની ઐતિહાસિક ઈનિંગ

India vs England | U19 World Cup Final 2026: અંડર-19 વર્લ્ડ કપ 2026ની ફાઈનલમાં ભારતીય ક્રિકેટ ટીમે ઈતિહાસ રચી દીધો છે. ઈંગ્લેન્ડ સામે રમાયેલા મહામુકાબલામાં ભારતે 100 રનથી ભવ્ય જીત મેળવી છે. ભારતે પ્રથમ બેટિંગ કરતા 50 ઓવરમાં 9 વિકેટના નુકસાન પર 411 રન બનાવ્યા હતા. ભારતે ઈંગ્લેન્ડને જીત માટે 412 રનનો વિશાળ ટાર્ગેટ આપ્યો હતો. જ્યારે ઈંગ્લેન્ડની ટીમ 40.2 ઓવરમાં માત્ર 311 રન બનાવીને ઓલઆઉટ થઈ ગઈ હતી. જણાવી દઈએ કે, ભારતનો 411 રનનો સ્કોર, જે અત્યાર સુધીના અંડર-19 વર્લ્ડ કપના ઈતિહાસમાં ફાઈનલ મેચનો સૌથી મોટો સ્કોર બની ગયો છે.

ભારતે 6ઠ્ઠી વખત જીત્યો ICC અન્ડર 19 વર્લ્ડ કપનો ખિતાબ

ભારતે 2000, 2008, 2012, 2018 અને 2022માં ICC અન્ડર 19 વર્લ્ડ કપ ટ્રોફી જીતી હતી. આ ટૂર્નામેન્ટના ઇતિહાસમાં ભારતનો દબદબો દર્શાવે છે. 14 વર્ષીય વૈભવ સૂર્યવંશીએ માત્ર 80 બોલમાં શાનદાર 175 રન ફટકાર્યા. તેમણે અન્ડર 19 ક્રિકેટ ઇતિહાસમાં સૌથી ઝડપી 150 રન બનાવવાનો રેકોર્ડ સર્જ્યો. 

વૈભવ સૂર્યવંશીની વિસ્ફોટક 175 રનની ઈનિંગ

આ ઐતિહાસિક સ્કોર પાછળ સૌથી મોટું યોગદાન યુવા બેટર વૈભવ સૂર્યવંશીનું રહ્યું છે. વૈભવે એકલા હાથે 175 રન ફટકારી દીધા હતા. તેની આ આક્રમક ઈનિંગને કારણે ઈંગ્લેન્ડના બોલરો લાચાર દેખાતા હતા. ફાઈનલ જેવી દબાણવાળી મેચમાં આટલી મોટી ઈનિંગ રમીને વૈભવે પોતાની પ્રતિભાનો પરિચય આપ્યો છે અને ટીમને મજબૂત સ્થિતિમાં લાવી દીધી હતી. આમ, ભારતની જીત માટે વૈભવ સૂર્યવંશીની ઐતિહાસિક ઈનિંગ ખૂબ જ મહત્ત્વપૂર્ણ સાબિત થઈ છે.

આ પણ વાંચો: હર્ષિત રાણા OUT, સિરાજની થઈ શકે છે 'વાઈલ્ડ કાર્ડ એન્ટ્રી'! T20 વર્લ્ડકપ પહેલા ટીમ ઈન્ડિયામાં મોટા ફેરફાર

ભારતીય બેટરોએ શરૂઆતથી જ આક્રમક વલણ અપનાવ્યું હતું, જેને કારણે ટીમ 400 રનનો આંકડો પાર કરવામાં સફળ રહી હતી. ઈંગ્લેન્ડની ટીમની કારમી હાર થઈ છે. ભારતીય બોલરોએ પણ શ્રેષ્ઠ પ્રદર્શન કર્યું છે. આમ, ભારત ફરી એકવાર અંડર-19 વર્લ્ડ કપનો ખિતાબ પોતાના નામે કરવામાં સફળ રહી. સમગ્ર ક્રિકેટ જગતમાં અત્યારે વૈભવ સૂર્યવંશીની આ ઈનિંગ અને ભારતના આ રેકોર્ડ સ્કોરની ચર્ચા થઈ રહી છે.

ટીમ ઈન્ડિયાની ઈનિંગ : 411/9 (50.0 overs)