CWGના શૉટપુટમાં ભારતનો દબદબો! સોમને ગોલ્ડ જીતીને રચ્યો ઇતિહાસ, જુયાલને મળ્યો સિલ્વર મેડલ
Summarized by AI; it may make mistakes. Check important info
Summarized by AI; it may make mistakes. Check important info
Soman Rana Wins Shot Put Gold: પુરુષોની F57 શૉટપુટ સ્પર્ધામાં ભારતે ગોલ્ડ અને સિલ્વર બંને મેડલ પર કબ્જો જમાવી લીધો છે. પૂર્વ સૈનિક સોમન રાણાએ પોતાના બીજા પ્રયાસમાં 13.40 મીટરના થ્રો સાથે ગોલ્ડ મેડલ જીત્યો છે, જ્યારે શુભમ જુયાલ બીજા સ્થાને રહીને સિલ્વર મેડલ હાંસલ કરવામાં સફળ રહ્યા છે. કૉમનવેલ્થ ગેમ્સ 2026માં ભારતીય ખેલાડીઓનું શાનદાર પ્રદર્શન ચાલુ છે. શનિવારનો દિવસ પેરા-એથ્લેટિક્સના દ્રષ્ટિકોણથી ખૂબ જ ઉત્કૃષ્ટ રહ્યો. પુરુષોની શૉટપુટ (F57) સ્પર્ધામાં ભારતીય એથલીટોએ પ્રથમ બે સ્થાનો પર કબ્જો કર્યો. સેનાના પૂર્વ જવાન સોમન રાણાએ ગોલ્ડ મેડલ પોતાના નામે કર્યો, જ્યારે શુભમ જુયાલે સિલ્વર મેડલ જીત્યો. કેમેરૂનના સેટ્રિક ઇડ્રિસ લેકેઝોએ 12.57 મીટરના થ્રો સાથે બ્રોન્ઝ મેડલ મેળવ્યો.
ભારતે એકસાથે 2 મેડલ કર્યા કબ્જે
કૉમનવેલ્થ ગેમ્સના ઇતિહાસમાં આ પ્રથમ વખત બન્યું છે, જ્યારે ભારતે પુરુષોની શૉટપુટ F57 સ્પર્ધામાં ગોલ્ડ મેડલ જીત્યો હોય. આ સાથે જ આ ઇવેન્ટમાં દેશનો આ પહેલો ડબલ પોડિયમ (એક સાથે બે મેડલ) પણ છે. આ બે મેડલો સાથે ગ્લાસગો 2026માં ભારતની કુલ મેડલ સંખ્યા 30 સુધી પહોંચી ગઈ છે.
10 એથલીટોના મુકાબલામાં ભારતીયોનો દબદબો
10 ખેલાડીઓના આ ફાઇનલ મુકાબલામાં શુભમ જુયાલે પોતાના પહેલા જ થ્રોમાં 13.08 મીટરનો સ્કોર કરીને સરસાઈ મેળવી હતી. તેમણે પોતાના છઠ્ઠા અને આખરી પ્રયાસમાં 13.28 મીટરનો પોતાનો સર્વશ્રેષ્ઠ દેખાવ કર્યો.
સોમન રાણાનો કમાલનો થ્રો અને સંઘર્ષની ગાથા
શુભમ બાદ મેદાનમાં ઊતરેલા સોમન રાણાએ પોતાના બીજા જ પ્રયાસમાં 13.40 મીટરનો થ્રો ફેંકીને પ્રથમ સ્થાન મેળવી લીધું, જે અંત સુધી નિર્ણાયક સાબિત થયું. વર્ષ 2000ની શરૂઆતથી 5 વર્ષ સુધી રાષ્ટ્રીય સ્તરના મિડલવેટ બોક્સર રહેલા સોમન 2/8 ગોરખા રાઇફલ્સમાં સિપાહી હતા. વર્ષ 2006માં પુંછ સેક્ટરમાં લેન્ડમાઇન બ્લાસ્ટમાં તેમણે પોતાનો જમણો પગ ગુમાવી દીધો હતો. વર્ષ 2017માં આર્ટિફિશિયલ લિમ્બ સેન્ટર (ALC) ખાતે નવો કૃત્રિમ પગ લેવા ગયા ત્યારે આર્મી પેરાલિમ્પિક નોડના સંપર્કમાં આવ્યા બાદ, તેમણે પેરા-એથ્લેટિક્સની શરૂઆત કરી અને આજે કૉમનવેલ્થ ગેમ્સના મંચ પર તિરંગો લહેરાવ્યો.
