Sports

IND vs NZ : ટેસ્ટ મેચ પહેલા ટીમ ઈન્ડિયાના ખેલાડીઓને ઝટકો, ICCએ કાપી 35% મેચ ફી

By GS Team
18 Nov 20262 mins read
TukuTouch Logo
ન્યૂઝીલેન્ડ સામેની વનડે સિરીઝ જીત્યા બાદ ભારતીય ટીમને ICCનો આંચકો લાગ્યો છે. માઉન્ટ મૌંગાનુઈ ખાતેની અંતિમ વનડેમાં સ્લો ઓવર રેટને કારણે ટીમના ખેલાડીઓની 35% મેચ ફી કાપવામાં આવી છે. નિર્ધારિત સમય કરતાં 7 ઓવર પાછળ રહેવા બદલ આ દંડ ફટકારાયો છે. કેપ્ટન શ્રેયસ અય્યરે આ સજા સ્વીકારી લીધી છે.

Summarized by AI; it may make mistakes. Check important info

IND vs NZ : ટેસ્ટ મેચ પહેલા ટીમ ઈન્ડિયાના ખેલાડીઓને ઝટકો, ICCએ કાપી 35% મેચ ફી

ICC Fines Team India : ન્યૂઝીલેન્ડ સામેની ટેસ્ટ સિરીઝ શરૂ થાય તે પહેલાં ભારતીય ક્રિકેટ ટીમને મોટો ઝટકો લાગ્યો છે. ICCએ કડક કાર્યવાહી કરતાં ટીમ ઈન્ડિયાના ખેલાડીઓની મેચ ફીમાં 35% નો કાપ મૂક્યો છે. 15 નવેમ્બરના રોજ માઉન્ટ મૌંગાનુઈ ખાતે રમાયેલી અંતિમ વનડે મેચમાં સ્લો ઓવર રેટ બદલ આ દંડ ફટકારવામાં આવ્યો છે.

નિર્ધારિત સમય કરતાં 7 ઓવર પાછળ રહી ટીમ ઈન્ડિયા

ICCના જણાવ્યા અનુસાર, ટાઈમ એલાઉન્સને ગણતરીમાં લીધા બાદ પણ ભારતીય ટીમ નિર્ધારિત સમયમાં 7 ઓવર પાછળ રહી ગઈ હતી.

દરેક ઓવર દીઠ 5% દંડની જોગવાઈ

ICC કોડ ઓફ કન્ડક્ટના આર્ટિકલ 2.22 હેઠળ સ્લો ઓવર રેટ બદલ ખેલાડીઓ અને સપોર્ટ સ્ટાફને દંડ કરવાની જોગવાઈ છે. આ નિયમ મુજબ, નિર્ધારિત સમય કરતાં જેટલી ઓવર ઓછી ફેંકાય, તેટલી દરેક ઓવર દીઠ ખેલાડીઓની મેચ ફીના 5% દંડ લાગે છે, જેની મહત્તમ મર્યાદા 50% સુધીની હોય છે. ભારતીય ટીમ 7 ઓવર પાછળ હોવાથી ખેલાડીઓને કુલ 35% મેચ ફીનો દંડ થયો છે.

કેપ્ટન શ્રેયસ અય્યરે સ્વીકારી સજા

આ મેચમાં ભારતીય ટીમનું નેતૃત્વ કરી રહેલા કેપ્ટન શ્રેયસ અય્યરે મેચ રેફરી રંજન મદુગલે દ્વારા ફટકારવામાં આવેલો આ દંડ સ્વીકારી લીધો છે. કેપ્ટને ભૂલ સ્વીકારી લેતા હવે આ મામલે કોઈ ઔપચારિક સુનાવણીની જરૂર રહેશે નહીં.

ભારતે 3-1 થી જીતી હતી વનડે સિરીઝ

ઉલ્લેખનીય છે કે ભારતે અંતિમ વનડેમાં જીત સાથે સિરીઝનું સમાપન કર્યું હતું. લો-સ્કોરિંગ રહેલા આ મુકાબલામાં ભારતની શરૂઆત નબળી રહી હતી, પરંતુ મિડલ ઓર્ડરે બાજી સંભાળી હતી. ઈશાન કિશન અને અક્ષર પટેલની 46-46 રનની ઈનિંગ્સની મદદથી ભારતે 209 રન બનાવ્યા હતા.

19 નવેમ્બરથી વેલિંગ્ટનમાં ટેસ્ટ જંગ

210 રનના લક્ષ્યાંક સામે ન્યૂઝીલેન્ડની ટીમ ભારતીય ઝડપી બોલરો સામે ટકી શકી નહોતી અને 187 રનમાં ઓલઆઉટ થઈ ગઈ હતી. ભારતે આ મેચ 22 રને જીતીને પાંચ મેચની વનડે સિરીઝ 3-1 થી પોતાના નામે કરી હતી. હવે બંને ટીમો વચ્ચે 19 નવેમ્બરથી વેલિંગ્ટનમાં ટેસ્ટ સિરીઝનો પ્રારંભ થશે.