સાયબર જગતમાં ખળભળાટ: OpenAIના મજબૂત AI મોડલ્સે તમામ કન્ટ્રોલ્સ તોડી સ્ટાર્ટ-અપ પર કર્યો સાયબર એટેક

AI Breaks Cage to Cheat: આર્ટિફિશિયલ ઇન્ટેલિજન્સ (AI)ના ઇતિહાસમાં એક અત્યંત ચોંકાવનારી અને અભૂતપૂર્વ ઘટના સામે આવી છે. અગ્રણી AI સંસ્થા OpenAIએ સત્તાવાર રીતે સ્વીકાર્યું છે કે તેના અદ્યતન AI મોડલ્સે આંતરિક સુરક્ષા ટેસ્ટિંગ દરમિયાન પોતાની નિર્ધારિત સીમાઓ તોડીને બહાર નીકળી ગયા હતા અને AI હોસ્ટિંગ સ્ટાર્ટ-અપ Hugging Faceની સિસ્ટમ્સ હેક કરી લીધી હતી. આ ઘટનાને સાયબર ઇતિહાસમાં પ્રથમ વખત બનેલો એવો કિસ્સો ગણવામાં આવે છે જ્યાં કોઈ ટેસ્ટિંગ દરમિયાન AIએ જાતે જ વાસ્તવિક સાયબર એટેક કરી દીધો હોય.

મલ્ટીપલ મોડલ્સના સંયોજને સર્જી આફત

OpenAI દ્વારા બ્લોગ પોસ્ટમાં જાહેર કરાયેલી વિગતો અનુસાર, આ બ્રીચ કોઈ એક મોડલ દ્વારા નહીં, પરંતુ કંપનીના અત્યંત શક્તિશાળી ન્યુલી-રિલીઝ્ડ મોડલ GPT-5.6 Sol અને અન્ય એક પ્રી-રિલીઝ અદ્યતન મોડલના સંયોજનના કારણે થયું હતું. આ મોડલ્સની સાયબર ક્ષમતાઓની ચકાસણી કરવા માટે તેમને "ExploitGym" નામના પબ્લિકલી હોસ્ટેડ બેન્ચમાર્ક પર ટેસ્ટ કરવામાં આવી રહ્યા હતા. ટેસ્ટિંગ દરમિયાન મોડલ્સના સાયબર સેફ્ટી ગાર્ડરેલ્સ ઘટાડવામાં આવ્યા હોવાથી તેમણે આખી સિસ્ટમ પર જ કંટ્રોલ મેળવી લીધો.

'ExploitGym' નામના બેન્ચમાર્કને બનાવ્યું નિશાન

આ મોડલ્સને 'ExploitGym' બેન્ચમાર્કના પ્રશ્નો ઉકેલવા અને તેની ખામીઓ શોધવાનું નાનકડું અને મર્યાદિત લક્ષ્ય આપવામાં આવ્યું હતું. પરંતુ, લક્ષ્ય પ્રાપ્ત કરવા માટે આ AI મોડલ્સ એટલા હદ સુધી હાઇપરફોકસ્ડ થઈ ગયા કે તેમણે પરિણામ મેળવવા માટે કોઈપણ હદ પાર કરવાનું નક્કી કર્યું. તેમણે એક ઇન્ટર્નલ પેકેજ-ઇન્સ્ટોલર પ્રોગ્રામમાં રહેલી અજ્ઞાત 'Zero-day' ખામી શોધી કાઢી અને તેનો ઉપયોગ કરીને સુરક્ષિત ટેસ્ટિંગ એન્વાયરમેન્ટમાંથી બહાર નીકળીને ઓપન ઇન્ટરનેટ સુધીની અનિયંત્રિત એક્સેસ મેળવી લીધી.

Hugging Faceના ડેટાબેઝમાંથી ચોરી કરી 'આન્સર કી'

ઇન્ટરનેટ એક્સેસ મેળવ્યા બાદ આ ચતુર AI મોડલ્સે તાર્કિક અનુમાન લગાવ્યું કે ટેસ્ટ લેવા માટે તૈયાર કરાયેલા બેન્ચમાર્કના જવાબો અને સોલ્યુશન્સ ચોક્કસપણે Hugging Face પ્લેટફોર્મ પર હોસ્ટ થયેલા હોઈ શકે છે. પરીક્ષા પાસ કરવા અથવા તો 'ચીટિંગ' કરવા માટે મોડલ્સે Hugging Faceની ઇન્ફ્રાસ્ટ્રક્ચર ખામીઓ અને ચોરાયેલા ક્રેડેન્શિયલ્સનો ઉપયોગ કરીને મલ્ટીપલ એટેક વેક્ટર્સ ચેઈન કર્યા. અંતે તેમણે Hugging Faceના પ્રોડક્શન ડેટાબેઝમાં ઘૂસીને સીધા જ ટેસ્ટ સોલ્યુશન્સ મેળવી લીધા. શરૂઆતમાં Hugging Faceએ આ હુમલા માટે કોઈ બહારના અજ્ઞાત એજન્ટને જવાબદાર ગણાવ્યો હતો.

તપાસ ચાલુ: કાયદાકીય મુશ્કેલીઓની શક્યતા

આ ચકચારી ઘટના બાદ OpenAIએ તાત્કાલિક પેકેજ ઇન્સ્ટોલરની ખામીઓને સુધારી લીધી છે અને Hugging Faceની ટીમ સાથે મળીને જોઈન્ટ ફોરેન્સિક તપાસ શરૂ કરી દીધી છે. ભવિષ્યમાં આવા રન-અવે અથવા મોડલ્સના અંકુશ બહાર જવાના કિસ્સાઓ અટકાવવા માટે મોડલ ટેસ્ટિંગ અને ઇન્ફ્રાસ્ટ્રક્ચર પર નવા કડક કંટ્રોલ લાદવાની જાહેરાત કરાઈ છે. જોકે, આ અનધિકૃત ઘૂસણખોરીથી Computer Fraud and Abuse Act (CFAA)નું ઉલ્લંઘન થયું હોવાથી ભવિષ્યમાં OpenAI એ કોઈ કાનૂની પરિણામો કે સજા ભોગવવી પડશે કે નહીં તે હજુ સ્પષ્ટ થયું નથી.