એપલના પ્રથમ ફોલ્ડેબલ 'iPhone Ultra' સાથે આવવાની હતી નાની પેન્સિલ: ડિઝાઇન અને હિંજના પડકારોને કારણે પ્લાન પડતો મુકાયો

Apple Almost Built A Custom Pencil For Foldable iPhone Ultra: ટેક જાયન્ટ એપલ પોતાના આગામી સંભવિત પ્રથમ ફોલ્ડેબલ સ્માર્ટફોન 'iPhone Ultra' માટે એક ખાસ નાની એપલ પેન્સિલ લાવવા પર વિચાર કરી રહી હતી. આ પ્રસ્તાવિત એક્સેસરી હાલની એપલ પેન્સિલનું નાનું વર્ઝન હોવાનું આયોજન હતું, જેને ફોલ્ડેબલ ડિવાઇસના કોમ્પેક્ટ ફોર્મ ફેક્ટરને ધ્યાનમાં રાખીને ડિઝાઇન કરવામાં આવી રહી હતી. જોકે, ડિઝાઇન, વપરાશક્ષમતા અને ટેકનિકલ પડકારોને કારણે આ નવીન એક્સેસરી માર્કેટમાં લોન્ચ થવાની શક્યતા નહિવત્ જણાઈ રહી છે. જોકે છેલ્લે શું થાય એ તો 9 સપ્ટેમ્બરે યોજાઈ રહેલી ઇવેન્ટમાં જ એની જાણ થશે.

ફોનની સાઇડમાં મેગ્નેટિક ચાર્જિંગ સાથેની ડિઝાઇન

• સ્ટબી ડિઝાઇન: આ નવી એપલ પેન્સિલ હાલની મોડલ્સ કરતાં નાની અને થોડી જાડી બનાવવાની યોજના હતી, જેથી તે iPhone Ultraની સાઈઝ સાથે યોગ્ય રીતે મેળ ખાય.
• મેગ્નેટિક એટેચમેન્ટ: આઈપેડની જેમ જ આ સ્ટાઈલસ સ્ટોરેજ અને ચાર્જિંગ માટે ફોનની સાઇડમાં મેગ્નેટિકલી જોડાઈ જશે તેવી ડિઝાઇન વિચારવામાં આવી હતી.
• પ્લેસમેન્ટ અને વપરાશનો પડકાર: એક ટેક પત્રકાર અનુસાર, આ ડિઝાઇનમાં મુખ્ય સમસ્યા તેનું પ્લેસમેન્ટ હતું. iPadમાં પેન્સિલ લેન્ડસ્કેપ મોડમાં ટોચ પર રહે છે, જ્યારે આઇફોનમાં તેને સાઇડમાં મૂકવી પડતી હતી, જે સરળ વપરાશમાં અવરોધરૂપ બની શકે છે.

સ્માર્ટફોનના હિંજ પર દબાણ અને ટેકનિકલ સમસ્યાઓ

મિકેનિકલ ફેટીગ: iPhone Ultra સાથે નાની એપલ પેન્સિલ જોડવાથી ફોલ્ડેબલ ફોનના હિંજ મિકેનિઝમ પર વધારાનું દબાણ અને યાંત્રિક થાક આવી શકે છે, જે ફોનની ટકાઉક્ષમતા માટે જોખમી બની શકે છે.

એપલનું પરંપરાગત વલણ: એપલ વર્ષોથી iPhonesમાં સ્ટાઈલસની જરૂરિયાત સામે સવાલો ઉઠાવતું રહ્યું છે. એપલ પેન્સિલને ખાસ કરીને આઈપેડ પર ડ્રોઈંગ, નોટ-ટેકિંગ અને ક્રિએટિવ કામ માટેનું મહત્ત્વનું ટૂલ ગણે છે. ફોનમાં પેન્સિલ સામેલ કરવી એ એપલની પરંપરાગત પ્રોડક્ટ પોલિસીથી મોટો ફેરફાર સાબિત થાત.

ભવિષ્યની શક્યતાઓ

ટેકનિકલ અને ડિઝાઇનની મર્યાદાઓને કારણે એપલના પ્રથમ ફોલ્ડેબલ ફોનના ફાઇનલ વર્ઝનમાં આ નાની પેન્સિલ જોવા મળે તેવી શક્યતા ઓછી છે. જોકે, ટેક નિષ્ણાતોના મતે ભવિષ્યમાં ટેકનોલોજી સુધરતાં એપલ પોતાના આગામી મોડલ્સમાં આવી કોઈ એક્સેસરી રજૂ કરવા પર ફરી વિચાર કરી શકે છે.