સૌરાષ્ટ્રમાં મેઘરાજા રૂઠયાઃ અપૂરતા વરસાદને કારણે દુષ્કાળના ભણકારા

રાજકોટ: સૌરાષ્ટ્રમાં ચાલુ વર્ષે મેઘરાજાએ આરંભથી જ નિરાશ કરતા ચોમાસું નબળું રહ્યું છે. મહત્વપૂર્ણ જેઠ અને અષાઢ બાદ શ્રાવણ મહિનો ચાલુ થઈ થયો છે અને ચોમાસાના મધ્યાહન સુધી આશાઓ જગાવતા રહેલા મેઘરાજાની ગતિવિધિઓ થંભી જતા હવે દુષ્કાળનું જોખમ દેખાઈ રહ્યું છે. અત્યાર સુધીમાં સૌરાષ્ટ્રમાં સરેરાશ માત્ર ૫૫.૯૧ ટકા વરસાદ જ નોંધાયો છે, જે કૃષિ પાક માટે ચિંતાજનક છે. સૌરાષ્ટ્રના જિલ્લાઓમાં વરસાદની સ્થિતિ ખૂબ જ અસમાન છે. ભાવનગર જિલ્લો ૭૨.૪૬ ટકા સાથે મોખરે છે, જ્યારે દેવભૂમિ દ્વારકા જિલ્લો માત્ર ૬.૪૧ ટકા વરસાદ સાથે અત્યંત વિકટ સ્થિતિમાં છે. મોટાભાગના તાલુકાઓમાં સરેરાશ વરસાદ ૫૦ ટકાની આસપાસ જ અટકી ગયો છે, જે આવનારા સમયમાં જળ સંકટ અને પાક નિષ્ફળતાની ભીતિ જન્માવે છે.