અમેરિકી પ્રમુખની આશ્ચર્યજનક પોસ્ટ ''રેર ગોલ્ડ ટ્રમ્પ સ્નીકર્સ''

- યુદ્ધ વચ્ચે પ્રમુખનો વેપારી મિજાજ યથાવત્

- સોશિયલ મીડિયા પર ટ્રમ્પની પોસ્ટ પછી સમર્થકો-ટીકાકારો સામસામે આવી ગયા

ટ્રમ્પને કદાચ શાંતિ માટે તો નોબેલ ન મળે, પરંતુ સમાચારોમાં રહેવાની આવડતના લીધે નવી જ કેટેગરી શરુ નોબેલ આપવામાં આવી શકે ખરો. દરેકને લાગી રહ્યુ છે કે ટ્રમ્પ યુદ્ધ વચ્ચે પણ તેમનું બ્રાન્ડિંગ કરવાનું ભૂલતા નથી. આ સ્નીકર્સેની કિંમત લગભગ ૧,૮૦,૦૦૦ ડોલર બતાવવામાં આવી છે. ભારતીય રૂપિયામાં વાત કરીએ તો આ કિંમત લગભગ ૧.૫ કરોડ રૂપિયાની આસપાસ પહોંચે છે. ટ્રમ્પે પોતાના સોશિયલ મીડિયા પર તસ્વીર પણ શેર કરી છે. કોઈ સ્નીકર એક્ઝિબિશનની આ તસ્વીરમાં મેટલિક ગોલ્ડ રંગના સ્નીકર્સને એક કાચના ડિસ્પ્લે બોક્સમાં મૂકવામાં આવેલું છે.

અમેરિકન પ્રમુખ દ્વારા શેર કરવામાં આવેલા આ જૂતાની ડિઝાઇન ઘણી આકર્ષક લાગી રહી છે. તેની તસ્વીર જોતા તેમા ચમકદાર ગોલ્ડ ફિનિશ, સફેદ મિડસોલ અને લાલ આઉટસોલ દેખાય છે. સાઇડમાં ટીનો સ્ટાઇલિશ લોગો બનેલો છે. તેનો પાછળનો ભાગ અમેરિકન ઝંડાથી પ્રેરિત ડિઝાઇન બતાવે છે, જે બ્રાન્ડિંગને મજબૂત બનાવે છે. જો કે યુદ્ધ વચ્ચે ફસાયેલા અમેરિકામાં અમેરિકન પ્રમુખના જૂતાની આ તસ્વીર અને તેની ઊંચી કિંમત ચર્ચાનોવિષય બની છે.

ટ્રમ્પે સોશિયલ મીડિયા પર તેને પોસ્ટ કરતાં તેના સમર્થકો અને ટીકાકારો મચી પડયા છે. કેટલાકે તો આ તસ્વીર એઆઈથી બનેલી ગણાવી. કેટલાકે તો તનો ભાવ વધુ પડતો ઊચો ગણાવ્યો. કેટલાય યુઝર્સે કિંમત પર સવાલ ઉઠાવતા તેને પબ્લિસિટી સ્ટન્ટ ગણાવ્યો.