India

તેલંગાણામાં પંજો મજબૂત ! સ્થાનિક ચૂંટણીમાં કોંગ્રેસને લીડ, ભાજપને ઝટકો; BRS બીજા નંબરે

By GS TEAM
13 Feb 20262 mins read
TukuTouch Logo
તેલંગાણા નગરપાલિકા અને નગર નિગમની ચૂંટણીના આજે પરિણામ જાહેર થઈ રહ્યા છે, જેમાં ત્રિકોણીય જંગમાં સામેલ કોંગ્રેસે બમ્પર જીત સાથે આગળ વધી રહી છે, જ્યારે કે. ચંદ્રશેખર રાવની પાર્ટી ભારત રાષ્ટ્ર સમિતિ(BRS) બીજા નંબરે હોવાનું સામે આવ્યું છે. આ ચૂંટણીમાં ભાજપને સૌથી મોટો ઝટકો લાગ્યો છે.

Summarized by AI; it may make mistakes. Check important info

તેલંગાણામાં પંજો મજબૂત ! સ્થાનિક ચૂંટણીમાં કોંગ્રેસને લીડ, ભાજપને ઝટકો; BRS બીજા નંબરે

Telangana Municipal Election Results 2026 : તેલંગાણા નગરપાલિકા અને નગર નિગમની ચૂંટણીના આજે પરિણામ જાહેર થઈ રહ્યા છે, જેમાં ત્રિકોણીય જંગમાં સામેલ કોંગ્રેસે બમ્પર જીત સાથે આગળ વધી રહી છે, જ્યારે કે. ચંદ્રશેખર રાવની પાર્ટી ભારત રાષ્ટ્ર સમિતિ(BRS) બીજા નંબરે હોવાનું સામે આવ્યું છે. આ ચૂંટણીમાં ભાજપને સૌથી મોટો ઝટકો લાગ્યો છે.

1728 વૉર્ડના પરિણામો જાહેર

રાજ્યમાં 116 નગરપાલિકાઓ અને સાત નગર નિગમની ચૂંટણી યોજાયા બાદ આજે 13 ફેબ્રુઆરીએ રાજ્યના 123 કેન્દ્રો પર સવારે 8.00 વાગ્યાથી મતગણતરી ચાલી રહી છે. કુલ 2996 વૉર્ડમાંથી 1728 વૉર્ડના પરિણામો સત્તાવાર જાહેર કરી દેવાયા છે. કોંગ્રેસ સૌથી મોટી પાર્ટી બનીને ઉભરી આવી છે. કોંગ્રેસે 923 વૉર્ડ જીત્યા છે, જ્યારે કે. ચંદ્રશેખર રાવની પાર્ટી ભારત રાષ્ટ્ર સમિતિ(BRS)એ 481 વૉર્ડ અને ભાજપે માત્ર 156 વૉર્ડ જીત્યા છે. 

અપક્ષ ઉમેદવારોએ 105 બેઠકો જીતી

આ ઉપરાંત ઓલ ઇન્ડિયા ફૉરવર્ડ બ્લોક (AIFB) પાર્ટીએ 30 વૉર્ડ, માર્કસવાદી કોમ્યુનિસ્ટ પાર્ટી(માકપા)એ સાત બેઠકો જીતી લીધી છે. અન્ય રાજકીય પક્ષોએ કુલ 24 વૉર્ડ જીત્યા છે, જ્યારે અપક્ષ ઉમેદવારોએ 105 બેઠકો જીતી લીધી છે. સૂત્રોના જણાવ્યા મુજબ 12 ઉમેદવારો બિનહરીફ જાહેર થયા છે. સવારે સૌપ્રથમ પોસ્ટ મતપત્રોની ગણતરી શરુ કરવામાં આવી હતી. મતપત્રો દ્વારા મતગણતરી થઈ રહી હોવાના કારણે ફાઇનલ પરિણામ આવવામાં સમય લાગી શકે છે.

આ પણ વાંચો : વડાપ્રધાન મોદીએ તારિક રહેમાન સાથે કરી વાતચીત, BNPની પ્રચંડ જીત પર આપ્યો ખાસ મેસેજ

કયા પક્ષે કેટલા વૉર્ડ જીત્યા ?

  • ભારતીય રાષ્ટ્રીય કોંગ્રેસ (INC): 923
  • ભારત રાષ્ટ્ર સમિતિ (BRS): 481
  • ભારતીય જનતા પાર્ટી (BJP): 156
  • અખિલ ભારતીય મજલિસ-એ-ઈત્તેહાદુલ મુસ્લિમીન (AIMIM): 30
  • માર્કસવાદી કમ્યુનિસ્ટ પાર્ટી (CPI(M)): 7
  • અખિલ ભારતીય અગ્રગામી દળ (AIFB): 6

આ પણ વાંચો : બાંગ્લાદેશમાં ધરખમ ફેરબદલ! PMની સત્તા ઘટી, જનમત સંગ્રહમાં YES VOTEથી બદલાયા સત્તાના સમીકરણ