રશિયાનો યુક્રેન ઉપર 'ઓરેશ્નિક' મિસાઇલ્સના પ્રચંડ હુમલો : ઝેલેન્સ્કીએ લોકોને એલર્ટ કર્યા

રશિયા-યુક્રેન યુદ્ધ બેહદ ખતરનાક વળાંકે

શનિવાર-રવિવાર વચ્ચેની રાત્રીએ આશરે 1 વાગે કીવમાં જોરદાર ધમાકા સંભળ્યા યુક્રેનનાં એરફોર્સ તો સંભવિત હુમલાની પહેલેથી જ ચેતવણી આપી હતી

આ ધમાકો થયો તે પહેલાં થોડા સમયે યુક્રેનનાં એરફોર્સે આવા હુમલાની સંભાવના અંગે ચેતવણી ઉચ્ચારી હતી. તેણે જણાવ્યું હતું કે રશિયા તેના બેહદ ખતરનાક 'ઓરેશ્નિક' હાઈપર સોનિક બેલાસ્ટિક મિસાઇલ્સથી હુમલો કરવાની તૈયારી કરી રહ્યું છે.

કીવના મેયરે જણાવ્યું હતું કે, નુકશાન વેઠેલા વિસ્તારોમાં રાહતકાર્ય ઝડપભેર ચલાવવામાં આવી રહ્યું છે અને સમગ્ર યુક્રેનમાં 'એર-ડીફેન્સ સીસ્ટીમ' હાઈ એલર્ટ પર મુકી દેવાઈ છે.

રશિયાના આ હુમલાની કેનેડાના વડાપ્રધાન માર્ક કાર્નીએ ઉગ્ર ટીકા કરી છે.

રશિયાના આ હુમલા પૂર્વે પ્રમુખ ઝેલેન્સ્કીએ દેશવાસીઓને શનિવારે સાંજે જ કરેલાં સંબોધનમાં કહ્યું હતું કે, પુતિનની સેના કોઈ એક જ સ્થળને નહીં પરંતુ એક સાથે અનેક સ્થળોને - પાટનગર કીવ સહિત લગભગ તમામ શહેરો ઉપર એક સાથે નિશાન બનાવવા માગે છે. તેની પાસે અનેક પ્રકારનાં ઘાતક શસ્ત્રો છે. શનિવારે રાત પડતાં જ સાયરન વગાડવામાં આવશે તેને જરા પણ હળવી રીતે ન લેતા, કારણ કે રશિયાનાં પાગલ મનની કોઈ સીમા નથી. તેથી સાયરન વાગે કે તુર્તજ બંકરોમાં છુપાઈ જજો.