VIDEO : મુંબઈમાં ગેસના ફુગ્ગા સાથે લિફ્ટમાં ઘૂસ્યો યુવક, અચાનક થયો ભયાનક બ્લાસ્ટ

Hydrogen Balloon Blast In Mumbai : મહારાષ્ટ્રના મુંબઈમાંથી એક ભયાનક ઘટના બની છે, જેમાં હાઈડ્રોજન ગેસથી ભરેલા ફુગ્ગાના કારણે લિફ્ટની અંદર ભયાનક વિસ્ફોટ થયો છે. ગોરેગાંવ વિસ્તારમાં આવેલી એક બિલ્ડિંગમાં બનેલી આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. આ અકસ્માતમાં લિફ્ટમાં સવાર એક યુવક અને એક યુવતી ઈજાગ્રસ્ત થયા છે.

CCTVમાં કેદ થઈ ભયાનક ઘટના 

સોશિયલ મીડિયા પર વાયરલ થયેલા સીસીટીવી ફૂટેજ મુજબ, આ ઘટના 2 ફેબ્રુઆરીની છે. વીડિયોમાં જોઈ શકાય છે કે એક યુવતી સૂટકેસ લઈને લિફ્ટમાં પ્રવેશે છે, તેની પાછળ એક વ્યક્તિ મોટા પ્લાસ્ટિકના બેગમાં ફુગ્ગાઓ લઈને અંદર આવે છે. લિફ્ટમાં પહેલા યુવતી જાય છે, પછી તે યુવક બેગ લઈને લિફ્ટમાં આવતો જોતો દેખા છે. જેવો આ યુવક લિફ્ટના ખૂણામાં ઉભો રહેવા જાય છે, ત્યારે જ અચાનક ફુગ્ગાઓમાં જોરદાર બ્લાસ્ટ જતો દેખાય છે.

આગના ગોળામાં ફેરવાઈ લિફ્ટ 

વિસ્ફોટ એટલો ભયાનક હતો કે, થોડીવારમાં આખી લિફ્ટ આગની લપેટમાં આવી ગઈ હતી. તે જ સમયે એક અન્ય વ્યક્તિ પણ લિફ્ટમાં પ્રવેશવાનો પ્રયત્ન કરી રહ્યો હતો. આગની જ્વાળાઓ એટલી ભયાનક હતી કે લિફ્ટમાં લાગેલા કેમેરા પર પણ તેની અસર જોવા મળી હતી. વિસ્ફોટ થતાની સાથે જ લિફ્ટમાં હાજર ત્રણેય લોકો પોતાનો જીવ બચાવવા માટે તાત્કાલિક બહાર ભાગ્યા હતા. સદનસીબે ત્રણેય વ્યક્તિઓને સામાન્ય ઈજાઓ પહોંચી છે અને હાલમાં તેમની સારવાર ચાલી રહી છે.

આ પણ વાંચો : 17 શહેરોમાં 20 નવી ટ્રેનો શરૂ, જુઓ તમામ રૂટોની યાદી

પોલીસે ગુનો દાખલ કર્યો 

ઘટનાની ગંભીરતાને જોતા પોલીસે ફુગ્ગા વેચનાર વ્યક્તિ વિરુદ્ધ ગુનો દાખલ કરીને તપાસ હાથ ધરી છે. ઉલ્લેખનીય છે કે, ફુગ્ગાઓમાં ભરવામાં આવતો હાઈડ્રોજન ગેસ અત્યંત જ્વલનશીલ હોય છે. આવી બંધ જગ્યામાં ફુગ્ગાઓમાં વિસ્ફોટ થવો જીવલેણ સાબિત થઈ શકે છે.

આ પણ વાંચો : ફ્લાઈટના એન્જિનમાં આગ, કોલકાતામાં ઈમરજન્સી લેન્ડિંગ