Live : રાજ્યસભામાં એન્ટિ પેપર લીક બિલ પર ચર્ચા પહેલા વિપક્ષનું વૉકઆઉટ, સત્તાપક્ષનો વળતો પ્રહાર

રાજ્યસભાની કુલ 245 સીટોમાંથી હાલ 3 સીટો ખાલી હોવાથી 242 સાંસદોનું સંખ્યાબળ છે, જેથી સામાન્ય બિલ પાસ કરાવવા માટે 122 સાંસદોના સમર્થનની જરૂર પડે છે. ભાજપની આગેવાની હેઠળના NDA પાસે હાલ 152 રાજ્યસભા સાંસદોનું મજબૂત સમર્થન છે, જે બહુમતીના આંકડા કરતાં ઘણું વધારે હોવાથી સરકાર ‘એન્ટી પેપર લીક બિલ’ આસાનીથી પસાર કરાવી લેશે. બીજી તરફ, કોંગ્રેસની આગેવાની હેઠળના ઈન્ડિયા ગઠબંધન પાસે 63 અને અન્ય વિપક્ષી દળો પાસે 29 સાંસદો છે; આમ જો સમગ્ર વિપક્ષ એક થઈ જાય તો પણ તેમની પાસે માત્ર 92 સાંસદોનું જ બળ રહે છે. 

દિલ્હીમાં વિદ્યાર્થીઓ પર થયેલા લાઠીચાર્જ અને પેલેટ ગનના ઉપયોગ મુદ્દે ગૃહમંત્રી અમિત શાહના જવાબની માંગ સાથે વિપક્ષે ભારે હોબાળો મચાવ્યા બાદ રાજ્યસભામાંથી વૉકઆઉટ કર્યું હતું. વિપક્ષના વૉકઆઉટ બાદ ભાજપના રાષ્ટ્રીય અધ્યક્ષ જે.પી. નડ્ડાએ વિપક્ષના આ વલણની સખત નિંદા કરી હતી. તેમણે કહ્યું કે વિપક્ષ દરેક ચર્ચામાં હારી રહ્યો છે તેથી માત્ર વિરોધ પૂરતો જ રસ ધરાવે છે. કેન્દ્રીય મંત્રી જિંતેન્દ્ર સિંહ આજે 'એન્ટિ પેપર લીક બિલ' રજૂ કરશે, જેના પર બપોરે 2 વાગ્યાથી ચર્ચા થશે.

એક દિવસ પહેલા જ લોકસભામાં ધ્વનિમતથી પસાર થઈ ચૂકેલું 'એન્ટિ પેપર લીક બિલ' આજે રાજ્યસભામાં રજૂ કરવામાં આવશે. લોકસભામાં પીએમઓ રાજ્યમંત્રી ડૉ. જિંતેન્દ્ર સિંહે આ બિલ રજૂ કર્યું હતું અને લાંબી ચર્ચા બાદ તેને મંજૂરી મળી હતી.

રાજ્યસભામાં વિપક્ષી સાંસદો વેલમાં આવીને હોબાળો અને નારેબાજી કરી રહ્યા છે. દિલ્હીમાં વિરોધ પ્રદર્શન કરી રહેલા વિદ્યાર્થીઓ પર થયેલા લાઠીચાર્જ અને પેલેટ ગન યુઝ કરવા મુદ્દે વિપક્ષે "અમિત શાહ ગૃહમાં આવો...", "પેલેટ ગન પર જવાબ આપો" જેવા જોરદાર નારા લગાવ્યા હતા.

લોકસભાની કાર્યવાહી શરૂ થતાં જ અધ્યક્ષ ઓમ બિરલાએ રાષ્ટ્રમંડળ રમતોમાં પદક જીતનારા ખેલાડીઓને અભિનંદન પાઠવ્યા હતા. ત્યારપૂર્વ વિપક્ષના હોબાળાને જોતાં સ્પીકરે ગૃહની કાર્યવાહી બપોરે 2 વાગ્યા સુધી સ્થગિત કરી દીધી હતી.